Tuesday, July 12, 2011

ທີມງານວິທະຍຸໄວໜຸ່ມແຂວງຫລວງພະບາງ

ວິທະ​ຍຸ​ກະຈາຍສຽງ ​ແຂວງ​ຫລວງ​ພະ​ບາງ ​ໄດ້​ດຳ​ເນີນ​ໂຄງການ ວິທະຍຸ​ເດັກໄວ​ຫນຸ່ມ ​ເລີ່​ມ​ແຕ່​ປີ 2005 ​ເປັນ​ຕົ້ນ​ມາ ​ໂດຍ​ໄດ້​ຮັບ​ທຶນ ສະຫນັບສະຫນູນ ຈາກ​ອົງການ​ຢູນິ​ເຊັບ ​ໃນ​ການ​ຜະລິດ​ລາຍການ ​ໂດຍ​ຜະລິດ​ເປັນ 3ພາສາ​ຊົນ​ເຜົ່າ​ຄື: ​ເຜົ່າ​ລາວ, ​ເຜົ່າ​ມົ້ງ ​ແລະ​ເຜົ່າ​ກຶມ​ມຸ ​ໂດຍ​ເລັ່ງ​ໃສ່​ຫົວ​ຂໍ້​ວຽກ​ງານ​ສັກ​ຢາ​ກັນ​ພະຍາດ ​ໃຫ້​ແມ່ຍິງ​ແລະ​ເດັກນ້ອຍ, ສ່ວນ​ຮູບ​ແບບ ​ແລະ​ວິທີ​ການ​ຜະລິດ ​ແມ່ນ​ເຮັດ​ເປັນ ສາລະ​ຄະດີ, ລະຄອນ, ສາລະ​ຫນ້າ​ຮູ້, ສະປອດ, ​ຂ່າວ​ປະກອບ​ສຽງ ​ແລະ​ ອື່ນໆ. ຜ່ານ​ການ​ເຮັດ​ກິດຈະກຳ​ຕົວ​ຈິງ ການ​ຜະລິດ​ລາຍການ​ອອກ​ອາກາດ ຜົນ​ໄດ້​ຮັບ​ເຫັນ​ວ່າ ຢູ່​ໃນ​ລະດັບ​ດີ​ພໍສົມຄວນ.

ນັບ​ແຕ່​ມີ​ໂຄງການ​ນີ້ ​ເຂົ້າ​ມາ​ສູ່ວິທະຍຸກະຈາຍສຽງ​ແຂວງຫລວງ​ພະ​ບາງ ມັນ​ເປັນ​ໂອກາດ​ອັນ​ດີ​ທີ່​ເດັກ ​ແລະ​ໄວ​ຫນຸ່ມ ​ໄດ້​ທີ​ໂອກາດ​ໂຄສະນາ​ສິດທິ​ຂອງ​ຕົນ​ເອງ ຜ່ານ​ກິດຈະກຳ ສະ​ແດງ​ໃນ​ການ​ລົງ​ຊຸມ​ຊົນ ຜ່ານ​ຄື້ນວິທະຍຸ​ກະຈາຍສຽງ ອີກ​ປະການ​ຫນຶ່ງ​ທີ່​ສຳຄັນ​ທີ່​ສຸດ ຜູ້​ໃຫຍ່​ຫລາຍ​ທ່ານ ​ແມ່ນ​ມີ​ຄວາມ​ເຂົ້າ​ໃຈ ​ແລະ​ຍອມຮັບ​ຟັງ​ຄຳ​ຄິດ​ຄຳ​ເຫັນ​ຂອງ​ເດັກນ້ອຍ ນັບ​ມື້​ນັບ​ຫລາຍ​ຂຶ້ນ ​ໃນ​ຂະ​ນະ​ທີ່ ທາງ​ທີ​ມງານ​ດຳ​ເນີນ​ກິດຈະກຳ​ຕ່າງໆ ລວມ​ເຖິງ​ການ​ລົງ​ຊຸມ​ຊົນ​ແຕ່​ລະ​ຄັ້ ອຳ​ນາດ​ການ​ປົກຄອງ​ຂັ້ນ​ສູງ​ກໍ​ຮັບ​ຮູ້​ນຳ ພ້ອມ​ທັງ​ຍັງ​ໃຫ້​ຄວາມ​ສະດວກ ຊຸກ​ຍູ້​ໃຫ້​ເດັກ ​ແລະ​ໄວ​ຫນຸ່ມ ​ໄດ້​ສະ​ແດງ​ອອກ ​ໃນ​ການ​ໂຄສະນາ​ສິດທິ​ເດັກ ​ແລະ​ບັນຫາ​ອື່ນໆ ທີ່​ມີ​ຜົນ​ຕໍ່​ໄວ​ຫນຸ່ມ ​ເປັນ​ຕົ້ນ ​ແມ່ນ​ບັນຫາ​ສຸຂະພາບ, ຢາ​ເສບ​ຕິດ, ​ໂລກ​ເອດ, ການ​ຄ້າ​ມະນຸດ, ສາມ​ສະອາດ, ສິ່ງ​​ແວດ​ລ້ອມ ​ເຫລົ່າ​ນີ້​ເປັນ​ຕົ້ນ.

ໃນ​ໄລຍະ​ປີ​ຕໍ່​ມາ​ ປີ2007 ທີ​ມງານ​ຜູ້​ຮັບຜິດຊອບ​ໂຄງການໄດ້​ຕັ້ງ​ບັນຫາ​ຂຶ້ນ​ມາ​ວ່າ: ຄວນ​ຈະ​ມີ​ວິທະຍຸ​ເດັກ-​ໄວ​ຫນຸ່ມ ​ໂດຍ​ໄດ້​ເລືອກ​ເຟັ້ນ​ເອົາ​ນັກ​ຈັດ​ລາຍການ​ທີ່​ຫນຸ່ມ​ນ້ອຍສ້າງ​ຜູ້​ສືບ​ທອດ​  ແລະ ນຳ​ໃຊ້​ທັກ​ສະ​ຊີວິດ​ເຂົ້າ​ນຳການ​ນຳ​ໃຊ້​​ເຂົ້າ​ໃນ​ລາຍ​ການ​ວິທະຍຸ​ນີ້ ເພື່ອ​ຊ່ວຍ​ໃຫ້​ຄົນ​ຟັງ ມີ​ສ່ວນ​ຮ່ວມ ​ແລະ​ກ້າ​ສະ​ແດງ ຄວາມ​ຄິດ​ເຫັນ​ຂອງ​ຕົນ ​ເປັນ​ການ​ແລກປ່ຽນ​ປະສົບ​ການ ​ໂດຍ​ອາ​ໄສ​ລາຍການ​ນີ້ ​ໂດຍ​ສະ​ເພາະ ​ແມ່ນ​ໄວ​ຫນຸ່ມ ​ໃນ​ການ​ແກ້​ໄຂ​ບັນຫາ​ໃຫ້​ຖືກຕ້ອງ ​ໃນ​ລະດັບ​ໃດ​ຫນຶ່ງ ທີ່​ແນ່ນອນ.
ລາຍການ​ເປີດ​ໃຈ​ໄວ​ຫນຸ່ມ ອອກ​ອາກາດ​ທຸກໆ​ວັນ​ເສົາ ​ເວລາ09: 00-09: 30 ທີ່​ວິທະຍຸ​ກະຈາຍສຽງ​ແຂວງ​ຫລວງ​ພະ​ບາງ ​ໃນ​ລະບົບ FM 705 KH,FM 103.5 MHz  ລາຍການ​ທຳ​ອິດ ທີ່​ອອກ​ອາກາດ​ແມ່ນ​ວັນ​ທີ 05 ​ເມສາ 2008.
 
​ລວ​ແລ້ວ ກ່ອນ​ທີ່​ພວກ​ເຮົາ​ຈະ​ມີ​ລາຍການ​ອອກ​ອາກາດ ມາ​ຢືນຢູ່​ຈຸດ​ນີ້​ໄດ້​ນັ້ນ ກໍ​ຍ້ອນ​ການ​ຊ່ວຍ​ເຫລືອ​ຈາກ​ອົງການ​ຢູນິ​ເຊັບ​ປະຈຳ​ລາວ ​ໃຫ້ການ​ສະຫນັບສະຫນູນ ​ໂດຍ​ຜ່ານ​ການຈັດ​ຕັ້ງ​ທຸກ​ຂັ້ນ ທາງ​ພະ​ແນ​ກຖະ​ແຫລ​ງຂ່າວ ​ແລະ​ວັດທະນະທຳ​ປະຈຳ​ແຂວງ ວິທະຍຸ​ກະຈາຍສຽງ ​ແຂວງ​ຫລວງ​ພະ​ບາງ ​ແລະ​ ສູນວັດ​ທະນະ​ທຳ​ເດັກ ​ໄດ້​ເອົາ​ໃຈ​ໃສ່​ໃນ​ການ​ເລືອກ​ເຟັ້ນ​ເອົາ​ໄວ​ຫນຸ່ມ​ຜູ້​ທີ່​ມີ​ພອນ​ສະຫວັນ​ແລະ​ມີ​ຄວາມ​ມັກ​ໃນ​ດ້ານ​ນີ້.
 ຊື່ ແລະ ນາມສະກຸນ ທ ສຸ​ລິ​ວົງ ​ແສງ​ສຸ​ໄລ. ທີ່​ເກີດ​ ບ້ານ​ວິ​ຊຸນ, ທີ່ຢູ່ປັດຈຸບັນ ບ້ານ​ວິ​ຊຸນ,  ປະຈຸ​ບັນ​ຮຽນ​ຫນັງສືຢູ່​ໂຮງຮຽນ ມັດທະຍົມ​ສຶກສາ​ສົມບູນ​ສັນຕິພາບ, ເວລາ​ຫວ່າງ: ມັກ​ອື່ນ​ປື້​ມ​,ມັກ​ແຕ້ມ​ຮູບ​ແລະ​ຫລິ້ນ​ຄອມ​ພິວ​ເຕີ. 
ເ    ເປັນ​ນັກ​ຈັດ​ລາຍການ​ມາ​ແຕ່​ປີ 2006 ມາ​ເຖິງ​ທຸກ​ວັນ​ນີ້​ ກໍ​ໄດ້ 4​ປີ​ແລ້ວ ທີ່​ເຮັດ​ວຽກ​ນຳ ລາຍການ​ວິທະຍຸ​ເປີດ​ໃຈ​ໄວ​ຫນຸ່ມ ​ໂຄງການ​ນີ້ ​ແມ່ນ​ເປັນ​ໂຄງການ​ທີ່​ດີ​ຫລາຍ ສອນ​ໃຫ້​ຮູ້ຈັກ​ການ​ເຮັດ​ວຽກ​ເປັນ​ກຸ່ມ, ການ​ໂຄສະນາ​ຊຸມ​ຊົນ ​ແລະ​ຈັດ​ລາຍການ​ວິທະຍຸ ​ແລະ​ສຳລັບ​ຕົວ​ນ້ອງ​ແລ້ວ ​ແມ່ນ​ໄດ້​ເຂົ້າ​ຮ່ວມ​ເຝິກອົບຮົ​ມຫລາຍ​ຄັ້ງ​ເຊັ່ນ: ​ເຝິກອົບຮົມ​ລາຍການ​ວິທະຍຸ, ​ເຝິກອົບຮົມ​ການ​ສັກ​ຢາ​ກັນ​ພະຍາດ, ​ເຝິກອົບຮົມ​ສື່​ນຳ​ໃຊ້​ການ​ໂຄສະນາ, ​ເຝິກອົບຮົມ​ການຈັດ​ລາຍການວິທະຍຸ​ແບບ​
ໃຫມ່(​ແບບ​ວາລະສານ) ພິ​ເສດ​ແມ່ນ​ທັກ​ສະ​ຊີວິດ ນອກຈາກ​ນັ້ນ​ຍັງ​ໄດ້​ເຂົ້າ​ຮ່ວມ​ງານ​ພົບ​ປະ​ເດັກ​ທົ່ວ ປະ​ເທດ​ ຄັ້ງ​ທີ 9 ທີ່​ແຂວງ​ວຽງ​ຈັນ, ​ເຂົ້າ​ຮ່ວມ​ກອງ​ປະຊຸມ​ການ​ສະຫລຸບ​ຜົນງານ​ທີ່​ນະຄອນຫລວງ​ວຽງ​ຈັນ, ​ເຂົ້າ​ເຝິກ ອົບຮົມ​ການ​ນຳ​ໃຊ້​ປຶ້ມ​ຄູ່​ມື​ການ​ຜະລິດ​ລາຍການ​ວິທະຍຸ​ທີ່​ທ່າ​ລາດ​ແຂວງ​ວຽງ​ຈັນ, ​ເຂົ້າ​ຮ່ວມ​ການ​ເຝິກອົບຮົມ​ຜູ້ນຳ​ພາ​ທີ່​ດີ​ກັບ​ອາສາ​ສະ​ຫນັກ​ທີ່​ເປັນ​ນັກ​ຈັດ​ລາຍການ​ແຂວງ​ໄຊ​ຍະ​ບູລີ ທີ່​ແຂວງ​ໄຊ​ຍະ​ບູລີ ​ແລະ​ພິ​ເສດ​ສຸດໆ ​ແມ່ນ​ການ​ໄປ​ທັດສະນະ​ສຶກສາ ຢູ່​ປະ​ເທດ​ກຳປູ​ເຈຍ ​ເຊິ່ງສິ່ງ​ທີ່​ກ່າວ​ມາ​ນັ້ນ​ ລ້ວນ​ແລ້ວ​ແຕ່​ສ້າງ​ຄວາມ​ຮູ້ ຄວາມ​ສາມາດ​ແກ່​ຕົນ​ເອງ, ສັງຄົມ ​ເຊິ່ງນ້ອງ​ມີ​ຄວ່ມຮູ້ສຶກ​ປະ​ທັບ​ໃຈ​ທີ່​ສຸດທີ່​ໄດ້​ເຂົ້າ​ຮ່ວມ​ໂຄງການ​ນີ້. 
ຊື່ ແລະ ນາມສະກຸນ ທ ສິນ​ໄຊ ​ແສນ​ບຸດ​ດີ. ທີ່ເກີດ ບ້ານ​ ນາ​ສຳພັນ, ທີ່ຢູ່ປັດຈຸບັນບ້ານ ນາ​ສຳພັນ,  ປະຈຸ​ບັນ​ຮຽນ​ຫນັງສືຢູ່​ໂຮງຮຽນ ​ວິທະຍາ​ໄລ​ທຸລະ​ກິດ​ມະນີ​ວັນ, ​ເວລາ​ຫວ່າງ: ຟ້ອນ, ​ແຕ້ມ​ຮູບ, ຮ້ອງ​ເພັງ ​ແລະ​ແຕ່ງກິນ, ​ເລົ່າ​ນິທານ​ຕ່າງໆ.
ຂໍ​ເປີດ​ໃຈ​ວ່າ: ​​ຕົນ​ເອງ​ເປັນ​ນັກ​ຈັດ​ລາຍການ ມາ​ແຕ່​ປີ2008 ​ໃນ​ການ​ດຳ​ເນີນ​ກິດຈະກຳ​ມີ​ຄວາມ​ປະ​ທັບ​ໃຈ​ຫລາຍ​ຢ່າງ​ເຊັ່ນ: ການ​ເຮັດ​ວຽກ​ເປັນ​ທີ​ມ, ​ເຝິກຝົນ​ຕົນ​ເອງ ​ໃຫ້​ມີ​ຄວາມ​ຮູ້, ຄວາມ​ສາມາດ ການ​ເປັນ​ຄົນ​ກ້າ​ສະ​ແດງ​ອອກ  ນອກຈາກ​ນັ້ນ​ນ້ອງ​ກໍ​ໄດ້​ມີ    ສ່ວນ​ຮ່ວມ ​ໃນ​ການ​ພັດທະນາ​ຊຸມ​ຊົນ ສ່ວນ​ອຸປະສັກ​ກໍ​ພົບ​ຄວາມ​ຫຍຸ້ງຍາກ​ຄື: ບໍ່​ມີ​ເວລາ​ຫລາຍ​ໃນ​ການ​ກະກຽມ​ຂໍ້​ມູນ​ຂ່າວສານ​ຍທີ່​ຈະ​ອອກ​ອາກາດ, ​ເວລາ​ລົງ​ໂຄສະນາ​ຊຸມ​ຊົນ ກໍ​ຂາດ​ເຂີນອຸປະກອນ ​ເຊັ່ນ: ລາງວັນ​ບໍ່​ພຽງພໍ, ຂໍ້​ມູນ​ເອກະສານ, ປ້າຍ​ໂຄສະນາ ​ແລະ​ໃນ​ໄລຍະ​ຜ່ານ​ມາ ​ແມ່ນ​ໄດ້​ເຂົ້າ​ຮ່ວມ​ຝຶກ​ອົບຮົມ​ບົດບາດ​ຍິງ​ຊາຍ, ສິ່ງ​ແວດ​ລ້ອມ, ການ​ຕັດ​ຕໍ່​ລາຍການ​ວິທະຍຸ ​ແລະ​ໄປ​ທັດສະນະ​ສຶກສາ​ທຳ​ມະ​ຊາດ​ແຫ​ລ່ງຕ່າງໆ​ຢູ່​ພາຍ​ໃນ​ແຂວງ​ຫລວງ​ພະ​ບາງ ​ໃນ​ຕອນ​ທ້າຍ​ນີ້​ຢາກ​ບອກ​ວ່າ ດີ​ໃຈ​ຫລາຍ​ທີ່​ໄດ້​ມີ​ໂອກາດ​ຮຽນ​ຮູ້ ​ແລະ​ເຝິກຝົນ​ຕົນ​ເອງ.
ຊື່ ແລະ ນາມສະກຸນ ທ ສອນ​ທະ​ລີ ວິ​ໄລ​ສັກ.  ທີ່ເກີດ ບ້ານ​ຫາດ​ຮ່ຽນ,  ທີ່ຢູ່ປັດຈຸບັນບ້ານ: ຫາດ​ຮ່ຽນ ​ເມືອງ​ຫລວງ​ພະ​ບາງ ​ແຂວງ​ຫລວງ​ພະ​ບາງ, ປະຈຸ​ບັນ​ຮຽນ​ຫນັງສືຢູ່​ໂຮງຮຽນ ມ.ສ ສັນຕິພາບ,      ​ເວລາ​ຫວ່າງ:​ເລົ່າ​ນິທານ, ຮ້ອງ​ເພັງ,ງານ​ສີມື, ​ແຕ້ມ​ຮູບ,ຟ້ອນ​ແລະ​ຈັດ​ລາຍການ.  
 ນ້ອງ​ເອງ​ເປັນ​ນັກ​ຈັດ​ລາຍການ ມາ​ແຕ່​ປີ 2008 ທີ່​ຜ່ານ​ມາ​ການ​ດຳ​ເນີນ​   ກິດຈະກຳ​ກໍ​ເຫັນ​ວ່າ​ດີ​ຫລາຍ ​ແລະ ​ເວລາ​ທີ່​ໄປ​ລົງ​ບໍລິການ​ຊຸມ​ຊົນ ປະຊາຊົນ​ກໍ​ ໃຫ້​ຄວາມ​ສົນ​ໃຈ​ເປັນ​ຢ່າງ​ຍິ່ງ ສ່ວນ​ສິ່ງ​ທີ່​ປະ​ທັບ​ໃຈ​ທີ່  ສຸດ​ກໍ​​ແມ່ນ​ເວລາ​ການສະ​ແດງ​   ສີ​ລະ​ປະ​ວັນນະຄະດີ ​ແລະ​ໃຫ້​ຄວາມ​ຮູ້​ຕ່າງໆ ​ແກ່​ພໍ່​ແມ່​ປະຊາຊົນ ​ເວລາ​ທີ່​ພວກ​ເຮົາ​ຕັ້ງ​ຄຳ​ຖາມ​ປະຊາຊົນ ທາງ​ຜູ່​ໃຫຍ່ ​ແລະ​ເດັກນ້ອຍ​ກໍ​ຍາດ​ກັນ​ອອກ​ມາ​ຕອບ ບາງ​ຄົນ​ກໍ​ຍັງ​ສະ​ແດງ​ຄວາມ​ສາມາດ​ສະ​ເພາະ​ໂຕ​ໃຫ້​ພວກ​ເຮົາ​ໄດ້​ເຫັນ​ແລະ​ພວກ​ເຮົາ​ກໍ​ສາມາດ​ນຳ​ມາ​ຂຽນ​ ​ເປັນ​ຂ່າວ​ໄດ້ອີກ

ຊື່ ແລະ ນາມສະກຸນ ທ ສຸ​ລິ​ເດດ ລາ​ວັນ​ພອນ. ທີ່​ເກີດ​ ບ້ານ​ທາດຫລວງ, ທີ່ຢູ່ປັດຈຸບັນ ບ້ານ​ຂົວ​ທີ​ສອງ.
ມ.ສ ສັນຕິພາບ, ເວລາ​ຫວ່າງ: ມັກ​ເຮັດ​ກິດຈະກຳ​ຮ່ວມ​ກັບ​ເອື້ອຍ​ອ້າຍ​ນັກ​ຈັດ​ລາຍການ. ນ້ອງ​ໄດ້​ຮັບ​ຄັດ​ເລືອກ​ເຂົ້າ​ເປັນ​ນັກ​ຈັດ​ລາຍການ​ໃນ​ປີ2008 ສະພາບ​ການ​ດຳ​ເນີນ​ກິດຈະກຳ ​ແມ່ນ​ໄດ້ ປະກອບ ສ່ວນ ​ເຂົ້າ​ໃນ​ການຈັດ​ລາຍການ ​ແຕ່​ລະອາ​ທິດ ເຊິ່ງ​ໃນ​ການ​ເປັນ​ນັກ​ຈັດ​ລາຍການ​ນັ້ນ​ ແມ່ນ​ນ້ອງ​ໄດ້​ຮຽນ​ຮູ້​ ຫລາຍ​ຢ່າງ​ທີ່ ເປັນຄວາມ​ຮູ້​​ແກ່​ຕົນ​ເອງ ສະ​ນັ້ນ​ຂໍ​ເປີດ​ໃຈ​ວ່າ ມີ​ຄວາມ​ຮູ້ສຶກ​ດີ​ໃຈ​ເ​ປັນ​ທີ່​ສຸດ ​ເພາະວ່າ ນ້ອງເປັນ​ຜູ້​ຫນຶ່ງ​ທີ່​ໄດ້​ຮັບ​ການຄັດ​ເລືອກ​ຈາກ​ເດັກນ້ອຍ​ຫລາຍໆ​ຄົນ ​ໃຫ້​ໄດ້​ເຂົ້າ​ຮ່ວມ​ໃນ​ໂຄງການ​ວິທະຍຸ​ເພື່ອ​ເດັກ ​ເຊິ່ງ​ເປັນ​ກະບອກ​ສຽງ​ກະຈາຍ​ຂ່າວ​ໃຫ້​ໄດ້​ຮັບ​ຮູ້​ຂ່າວສານ​ຢ່າງ​ທົ່ວ​ເຖິງ​ບໍ່​ວ່າ​ຈະ​ເປັນ​ການສະ​ເຫ​ນີ​ໃນ​ຫົວ​ຂໍ້​ທີ່​ກ່ຽວ​ກັບ​ສິດທິ​ເດັກ, ການ​ສັກ​ຢາ​ກັນ​ພະຍາດ, ການ​ຮັກສາ​ອານາ​ໄມ​ສາມ​ສະອາດ ​ເພື່ອ​ເປັນ​ຮົ້ວ​ປ້ອງ​ກັນ​ສຸຂະພາບ ​ໃຫ້​ແຂງ​ແຮງ​ສິ່ງ​ທັງ​ຫມົດ​ນີ້​ແມ່ນ​ໄດ້​ຈາກ​ການ​ເຂົ້າ​ຮ່ວມ​ໂຄງການ​ວິທະຍຸ​ເດັກ​ໄວ​ຫນຸ່ມ ​ເຊິ່ງນອກຈາກ​ນັ້ນ ມັນ​ຍັງ​ເຮັດ​ໃຫ້​ນ້ອງຮູ້ຈັກ​ການ​ເຮັດ​ວຽກ​ເປັນ​ທີ​ມ, ມີ​ຄວາມ​ມານະ​ອົດທົນ  ​ແລະ​ມີ​ປະສົບ​ການ​ຊີວິດ. 

ຊື່ ແລະ ນາມສະກຸນ ທ ​ເດັ່ນ​ພະຈັນ ພົງ​ສຸທ. ທີ່ເກີດ ບ້ານ​ປ່າ​ຂາມ,ທີ່ຢູ່ປັດຈຸບັນບ້ານ ຜາ​ສຸກ,ປະຈຸ​ບັນ​ຮຽນ​ຫນັງສືຢູ່​ໂຮງຮຽນມະຫາວິທະຍາ​ໄລ​ແຫ່ງ​ຊາດ, ​ເວລາ​ຫວ່າງ: ມັກ​ເບິ່ງ​ຂ່າວສານ,​ໂທລະພາບ, ຫນັງສືພິມ,ວິທະ​ຍຸ.
ເປັນ​ນັກ​ຈັດ​ລາຍການ​ປີ2007 ​ໄລ​ຍະ​ປີ2007-08 ກໍ​ໄດ້​ມີ​ການ​ລົງ​ໄປ​ໂຄສະນາ​ຕາ​ໃບັນດາ​ເມືອງ​ຕ່າງໆ ​ແລະ​ໂຮງຮຽນ   ສ່ວນ​ເລື່ອງ​ທີ່​ປະ​ທັບ​ໃຈ​ແມ່ນ​ຄູ​ອາຈານ​ທຸກໆ​ຄົນ​ໄດ້​ມີ​ການ​ອົບຮົມ ບອກສອນ​ຕັກ​ເຕືອນ ສ່ວນ​ອຸປະສັກ​ທີ່​ໄດ້​ພົບ​ພໍ້ ກໍ​ແມ່ນ  ​ເວລາ​ທີ່​ລົງ​ໄປ​ເຄື່ອນ​ໄຫວ​ກິດຈະກຳ​ໂຄສະນາ​ຊຸມ​ຊົນ​ຢູ່​ທີ່​ເຂດ​ຫ່າງ​ໄກ​ສອກຫລີກ​ແມ່ນ​ຖືກ​ຍາມ​ຝົນ​ສະ​ນັ້ນ​ແມ່ນ​ຈະ​ພົບ ​ອຸປະ  ສັກ ​ແລະ​ໃນ​ອານາ​ຄົດ​ແມ່ນ​ຢາກ​ໃຫ້​ລາຍການ​ເປີດ​ໃຈ​ໄວ​ຫນຸ່ມ​ມີ​ຊື່​ສຽງ​ໂດ່​ງດັງ​ແລະ​ຢາກ​ໃຫ້​ມີ​​ແຟນໆ​ລາຍການ​ຫລາຍ​ຄົນ ສ່ວນ​ທີ່​ຜ່ານ​ມາ ​ແມ່ນ​ໄດ້​ເຂົ້າ​ຮ່ວມ​ອົບຮົມ​ການ​ເປັນ​ນັກ​ຕັດ​ຕໍ່​ສຽງ, ບົດບາດ​ຍິງ​ຊາຍ, ການ​ເປັນ​ນັກ​ຂ່າວ​ແລະ​ຍັງ​ໄດ້​​​ໄປເຂົ້າ​ຮ່ວມ​​ເຂົ້າ​ຮົມ, ທັດສະນະ​ສຶກສາ​ທີ່​ນະຄອນຫລວງ.
 ຊື່ ແລະ ນາມສະກຸນ ນ ປານີ ວິ​ໄລ​ຈິດ. ທີ່ເກີດ ບ້ານ​​ໂພນ​ແພງ, ທີ່ຢູ່ປັດຈຸບັນບ້ານ: ມະ​ໂນ,ປະຈຸ​ບັນ​ຮຽນ​ຫນັງສືວິທະຍາ​ໄລ​ຄູ...ເວລາຫວ່າງ:ອ່ານ​ປຶ້ມ, ​ເຮັດ​ກິດຈະກຳ​ທີ່​ສ້າງສັນ,ມັກ​ສອນ​ຟ້ອນ ແລະ​ນຳພາ​ ເດັກນ້ອຍ​ເຮັດ​ກິດຈະກຳ.
ສຳລັບ​ນ້ອງ ​ແມ່ນ​ເປັນ​ນັກ​ຈັດ​ລາຍການ ​ມາ​ແຕ່​ປີ2005​ແລະ​ດຳ​ເນີນ​ງານ​ມາ​ເຖິງ​ປະຈຸ​ບັນ ​ແມ່ນ​ໄດ້​ເຂົ້າ​ຮ່ວມ​ຝຶກ​ອົບຮົມຫລາຍໆ​ຫົວ​ຂໍ້ ທີ່​ນຳ​ໃຊ້​ເຂົ້າ​ໃນ​ການ​ຜະລິດ​ລາຍການ​ວິທະຍຸ ​ແລະ​ລົງ​ບໍລິການ​ຊຸມ​ຊົນ ພ້ອມ​ນັ້ນ​ນ້ອງກໍ​ໄດ້​ໄປ​ທັດສະນະ​ສຶກສາ​ທີ່​ຊຽງ​ໃຫມ່ ປະ​ເທດ​ໄທ ​ແລະ​ເຂົ້າ​ຮ່ວມ​ເຝິກອົບຮົມ​ທີ່​ແຂວງ​ໄຊ​ຍະ​ບູລີ, ​ແຂວງ​ວຽງ​ຈັນ​ອີກ​ນຳ. ຂໍ​ເປີດໃຈ​ວ່າ​ໂຄງການ​ວິທະຍຸ​ສຳລັບ​ເດັກ​ແລະ​ໄວ​ຫນຸ່ມ​ແມ່ນ​ດີ​ຫລາຍ​ທີ່​ໃຫ້​ໂອກາດ​ພວກ​ນ້ອງ​ໄດ້​ມີ​ສ່ວນ​ຮ່ວ​ມ​ໃນ  ການ​ພັດ​ທະນ​າ ສັງຄົມ ກໍຕ້ອງຂໍ​ຂອບ​ໃຈ​ອົງການ​ຢູນິ​ເຊັບ​ປະຈຳ​ລາວ​ແລະ​ບັນດາ​ຄູ​ອາຈານ​ທີ່​ໄດ້​ສິດສອນ,ຖ່າຍ​ທອດ​ຄວາມຮູ້ຄວາມ​ສາມາດ ​ໃຫ້​ເດັກນ້ອຍ​ຄົນ​ຫນຶ່ງ​ໄດ້​ມີ​ໂອກາດ​ມາ​ຢືນ​ຢູ່​ຈຸດ​ນີ້. 
 
ຊື່ ແລະ ນາມສະກຸນ  ນ. ລິນ​ດາ ພົມມາ​ວົງ. ທີ່ເກີດ ບ້ານ​ເມືອງ​ງາ, ທີ່ຢູ່ປັດຈຸບັນບ້ານ: ​ເມືອງ​ງາ,ປະຈຸ​ບັນ​ຮຽນ​ຫນັງສື ມ.ສ ​ສັນຕິ​ພາບ,  ເວລາ​ຫວ່າງ: ມັກຟັງເພງ, ແຕ້ມຮູບ. 
​ເລີ່​ມຕົ້ນ​ເປັນ​ນັກ​ຈັດ​ລາຍການ ມາ​ແຕ່​ປີ 2008 ກໍ​ຮູ້ສຶກ​ດີ​ໃຈ​ຫລາຍ​ທີ່​ໄດ້​ມີ​ສ່ວນ​ຮ່ວມ​ໃນ​ໂຄງການ​ນີ້ ​ເພາະ​ທຸກ​ຄົນ​ກໍ​ຢາກ​ເຂົ້າ​ຮ່ວມ​ແຕ່​ກໍ​ບໍ່​ມີ​ໂອກາດ ​ເຊິ່ງຖື​ວ່າ​ມັນ​ແມ່ນ​ໂອກາດ​ດີ​ທີ່​ສຸດ​ແລ້ວ​ສຳລັບ​ນ້ອງ ​ແລະ​ນ້ອງ​ກໍ​ຢາກ​ເຮັດ​ໃຫ້​ດີ​ທີ່​ສຸດ ​ເພື່ອ​ໃຫ້    ​ໂຄງການ​ນີ້​ດຳ​ເນີນ​ໄປ​ດ້ວຍ​ດີ ສ່ວນ​ການ​ເຄື່ອນ​ໄຫວ​ໃນ​ແຕ່ລະ​ໄລຍະ​ກໍ​ເຫັນ​ວ່າ​ໃນ​ແຕ່​ລະອາ​ທິດ​ກໍ​ມີ​ສຽງ​ຕອບ​ຮັບ​ຈາກ​ຜູ້​ຟັງ​ຫລາຍ,ທຸກ​ຄົນ​ໃຫ້​ຄວາມ​ສົນ​ໃຈ​ຮັບ​ຟັງ​ລາຍການ​ຂອງ​ພວກ​ເຮົາ​ທຸກໆ​ອາທິດ ພ້ອມ​ດຽວ​ກັນ​ນັ້ນ​ພວກ​ນ້ອງ​ກໍ​ໄດ້​ມີ​ການ​ລົງ​ເຄື່ອນ​ໄຫວ​ກິດ​ຈະ​ກຳ​ໃນ​ບ້ານ​ຕ່າງໆ ມ່ວນ​ຫລາຍ​ແລະ​ເດັກນ້ອຍ​ກໍ​ມີ​ຄວາມ​ສົນ​ໃຈ​ອີກ​​ໂດຍ​ເຫັນ​ຈາກ​ການ​ໃຫ້​ຄວາມ​ສົນ​ໃຈ​ໃນ​ການ​ຕອບ​ຄຳ​ຖາມ...

ຊື່ ແລະ ນາມສະກຸນ  ນ. ສີ​ສຸພັນ ກິ່ງ​ຈັນ​ດາ​ສັກ ບຸນ​ຄົງ,  ທີ່​ເກີດ ບ້ານ​ນາ​ວຽງ​ຄຳ, ທີ່ຢູ່ປັດຈຸບັນ: ບ້ານ​ນາ​ວຽງ​ຄຳ,  ປະຈຸ​ບັນ​ຮຽນ​ຫນັງສືຢູ່​ໂຮງຮຽນວິທະຍາ​ໄລ​ການ​ເງິນ(ບັນຊີການ​ເງິນ), ​ເວລາ​ຫວ່າງ: ອ່ານ​ຂ່າວ, ນິທານ​ຫລື​ຫນັງສື​ຕ່າງໆ,ຟ້ອນ​ແລະ​ແຕ່ງ​ລະຄອນ. 
​​ເປັນ​ນັກ​ຈັດ​ລາຍການ​ມາ​ແຕ່​ປີ2007 ສະພາບ​ການ ​ດຳ​ເນີນ​ກິດຈະກຳ ​ແມ່ນ​ດີ​ຫລາຍເຫັນ​ໄດ້​ ຈາກຜົນ​ຕອບ​ຮັບຈາກ​ປະຊາຊົນ ​ໃນ​ເວລາ​ທີ່​ລົງ​ເຄື່ອນ​ໄຫວ​ກິດຈະກຳ ສິ່ງ​ມັນ​ເຮັດ​ໃຫ້​ນ້ອງ​ມີ​ຄວາມ​ຮູ້ສຶກ​ປະ​ທັບ​ໃຈ ​ທີ່​ພໍ່​ແມ່​ປະຊາຊົນ​ໃຫ້ການ​ຕອບ​ຮັບ​ເປັນ​ຢ່າງ​ດີ ​ເດັກນ້ອຍ​ກໍ​ເຫັນ​ເຂົາ​ເຈົ້າ​ມີ​ໃບ​ຫນ້າ​ທີ່​ຍິ້ມ​ແຍ້ມ​ແຈ່ມ​ໃສ​ດີ ອຸປະສັກ​ກໍ​ແມ່ນ​ເລື່ອງ​ການ​ເດີນທາງ​ໃນ​ຍາມ​ຝົນ ບໍ່​ຄ່ອຍ​ມີ​ຄວາມ​ສະດວກ​ປານ​ໃດ,ສ່ວນ​ການ​ເຂົ້າ​ອົບຮົມ​ທີ່​ຜ່ານ​ມາ​ແມ່ນ​ໄດ້​ອົບຮົມ​ບົດບາດ​ຍິງ​ຊາຍ, ນັກ​ຈັດ​ລາຍການ​ວິທະຍຸ ສິ່ງ​ແວດ​ລ້ອມ​ແລະ​ອື່ນໆ ​ເຊິ່ງມັນ​ເຮັດ​ໃຫ້​ນ້ອງ​ດີ​ໃຈ​ແລະ​ມີ​ຄວາມ​ຮູ້​ໃຫມ່ໆ ທີ່​ໄດ້​ມີ​ສ່ວນ​ຮ່ວມ​ໃນ​ການ​ຊ່ວຍ​ເຫລືອ​ສັງຄົມ​ ​ໂດຍ​ສະ​ເພາະ​ການ​ຊ່ວຍ​ເຫລືອ​ ເດັກນ້ອຍ​ລາວ.
ຊື່ ແລະ ນາມສະກຸນ ນ ​ແສງ​ທະວີ ລັດຕະນະ​ນົງ​ສີ. ທີ່​ເກີດ ບ້ານ​ນາ​ສຳພັນ, ທີ່ຢູ່ປັດຈຸບັນ: ບ້ານນາ​ສຳພັນ, ປະຈຸ​ບັນ​ຮຽນ​ຫນັງສືຢູ່​ໂຮງຮຽນວິທະຍາ​ໄລ​ສຸພາ​ນຸວົງ, ​ເວລາ​ຫວ່າງ: ຈັດ​ລາຍການ, ຟ້ອນ. 
​ເປັນ​ນັກ​ຈັດ​ລາຍການ ​ເລີ່​ມຕົ້ນ​ປີ2006 ດີ​ໃຈ​ແລະ​ປະ​ທັບ​ໃຈ​ຫລາຍ​ທີ່​ໄດ້​ມີ​ໂອກາດ​ມີ​ສ່ວນ​ຮ່ວມ​ເຂົ້າ​ໃນ​ໂຄງການ​ນີ້ ​ເຊິ່ງ​ແມ່ນ​ຄວາມ​ພູມ​ໃຈ​ທີ່​ສຸດ​ຂອງ​ການ​ໄດ້​ມີ​ສ່ວນ​ຮ່ວມ ​ເຮັດ​ໃຫ້​ພວກ​ນ້ອງ​ມີ​ປະສົບ​ການ ​ແລະ​ມີ​ຄວາມ​ຮູ້​ເພີ່ມ​ຂຶ້ນ ສະ​ນັ້ນ​ໃນ​ອາ   ນາ​ຄົດ​ແມ່ນ​ຢາກ​ໃຫ້​ລາຍການ​ຂອງ​ພວກ​ເຮົາ​ໄດ້​ຂະຫຍາຍ​ຫລາຍ​ຂຶ້ນ ​ໃຫ້​ເປັນ​ທີ່​ຮູ້ຈັກ​ຂ​ແງ​ມະຫາຊົນ​ໃຫ້​ຫລາຍ​ກວ່າ​ເກົ່າ​ບໍ່​ວ່າ​ຈະ​ເປັນ​ເຂດ​ນອກ​ຫລື​ໃນ​ຕົວ​ເມືອງ​ກໍ​ຕາມ, ທີ່​ຜ່ານ​ມາ​ນ້ອງ​ກໍ​ໄດ້​ມີ​ໂອກາດ​ເຂົ້າ​ຮ່ວມ​ອົບຮົມ​ພ້ອມ​ທັງ​ໄປ​ທັດສະນະ​ສຶກສາ​ຕາມ​ຕົວ​ເມືອງ, ຕ່າງ​ແຂວງ​ຕ່າງໆ ​ເຊິ່ງທັງຫມົດ​ແມ່ນ​ໃຫ້​ຄວາມ​ຮູ້​ແລະ​ຂໍ້​ມູນ​ທີ່​ດີໆ.
ຊື່ ແລະ ນາມສະກຸນ ນ. ອຳ​ມະລາ ປັນຍາ​ທອງ.  ທີ່​ເກີດບ້ານ​ ນາ​ຊາງ, ທີ່ຢູ່ປັດຈຸບັນ: ບ້ານ​ຫນອງ​ຄຳ ​ເມືອງ​ຫລວງ​ພະ​ບາງ ​ແຂວງ​ຫລວງ​ພະ​ບາງ, ປະຈຸ​ບັນ​ຮຽນ​ຫນັງສືຢູ່​ໂຮງຮຽນ​ເຕັກນິກ​ວິຊາ​ຊີບ​ແຂວງ​ຫລວງ​ພະ​ບາງ(ບໍລິຫານ​ທຸລະ​ກິດ), ເວລາ​ຫວ່າງ:ມັກ​ເບິ່ງ​ຂ່າວ​ຈາກ​ໂທລະພາບ,ຟັງ​ວິທະຍຸ,ມັກ​ອ່ານ​ປຶ້ມ,ສາລະ​ຫນ້າ​ຮູ້.
​​ເປັນ​ນັກ​ຈັດ​ລາຍການ ມາ​ແຕ່​ປີ2005 ຕັ້ງ​ແຕ່​ອາຍຸ​ໄດ້13​ປີ  ຖື​ໄດ້​ວ່າ​ນ້ອງ​ເປັນ​ລຸ້ນທຳ​ອິດ​ຂອງ​ການ​ຝຶກ​ອົບຮົມ​ນັກ​ຈັດ​ລາຍການ​ວິທະຍຸ​ສຳລັບ​ເດັກ-​ໄວ​ຫນຸ່ມ​ຂອງ​ແຂວງ​ຫລວງ​ພະ​ບາງ ​ເຊິ່ງນ້ອງ​ເອງ​ແມ່ນ​ມີ​ຄວາມ​ຮູ້ສຶກ​ດີ​ໃຈ​ຫລາຍ ທີ່​ໄດ້​ນຳ​ເອົາ​ຄວາມ​ຮູ້​ຄວາມ​ບັນ​ເທີ​ງຕ່າງໆ​ອອກ​ອາກາດ​ໃຫ້​ທຸກ​ຄົກ​ໄດ້​ຮັບ​ຟັງ ນ້ອງ​ເອງ​ຂໍ​ຂອບ​ໃຈ​ກັບ​ອາຈານ​ທຸກ​ຄົນ​ທີ່​ໃຫ້​ໂອກາດ​ນ້ອງ​ໄດ້​ເປັນ​ນັກ​ຈັດ​ລາຍການ ​ເພາະ​ມັນ​ຄື​ຄວາມ​ໄຝ່ຝັນ​ຢ່າງ​ຫນຶ່ງ​ຂອງ​ນ້ອງ ​ແລະ​ນ້ອງ​ຂໍ​ສັນຍາ​ວ່າ​ຈະ​ພັດທະນາ​ຕົວ​ເອງ​ໃຫ້​ເປັນ​ຄົນ​ເກັ່ງ, ​ເປັນ​ນັກ​ຈັດ​ລາຍການ​ທີ່​ດີ, ຈະ​ນຳ​ເອົາ​ຄວາມ​ຮູ້​ທີ່​ຜ່ານ​ຈາກ​ການ​ເຂົ້າ​ຝຶກ​ອົບຮົມ​ມາ​ພັດທະນາ​ລາຍການ​ໃຫ້​ດີ​ຂຶ້ນ​ຕະຫລອດ​ໄປ.
 ຊື່ ແລະ ນາມສະກຸນ ທ ວິລະເດດ ພົມມະລີ. ທີ່ເກີດບ້ານ​ ຫນອງຄຳ,  ທີ່ຢູ່ປັດຈຸບັນ: ບ້ານ​ຫນອງຄຳ ເມືອງຫລວງພະບາງ ແຂວງຫລວງພະບາງ,   ປະຈຸ​ບັນ​ຮຽນ​ຫນັງສືຢູ່​ໂຮງຮຽນມັດທະຍົມ​ສົມບູນ ສັນຕິພາບ, ເວລາ​ຫວ່າງ: ຮ້ອງເພັງ, ແຕ່ງກາບກອນ. 
ເລີ່​ມຈັດ​ລາຍການ​ມາ​ຕັ້ງ​ແຕ່​ປີ 2009 ​ເຊິ່ງການ​ດຳ​ເນີນ​ລາຍການ​ແຕ່ລະ​ໄລຍະ ​ແມ່ນ​ມີ​ຄວາມ​ເບີກບານ​ມ່ວນ​ຊື່ນ, ມີ​ຄວາມ​ສາມັກຄີ ລະຫວ່າງ​ພາຍ​ໃນ​ກຸ່ມ ​ແລະ​ຄວາມ​ປະ​ທັບ​ໃຈນີ້ ​ແມ່ນ​ການ​ນຳ​ເອົາ​ສາລະ​ຫນ້າ​ຮູ້​ແລະ​ຂ່າວສານ​ມາ​ເຜີຍ​ແຜ່​ໃຫ້​ພໍ່​ແມ່​ປະຊາຊົນ​ຮັບ​ຮູ້ ສ່ວນ​ອຸປະສັກ​ກໍ​ແມ່ນ​ການລົງບໍລິການ ຊຸມຊົນ ເພາະມັນເປັນຍາມຝົນ ​ສ່ວນ​ການ​ດຳ​ເນີນ​ໂຄງການ​ວິທະຍຸ​ໃນ​ອານາ​ຄົດແມ່ນ​ຢາກ​ໃຫ້​ມີ​ໄປຕະຫລອດ​ເພື່ອຊ່ວຍພັດທະນາສັງຄົມ.
ຊື່ ແລະ ນາມສະກຸນ ທ ພຸດທະກອນ ມະຕິລາ. ທີ່ຢູ່ປັດຈຸບັນ: ບ້ານ​ ປ່ອງຄຳ ເມືອງຫລວງພະບາງ ແຂວງຫລວງພະບາງ, ປະຈຸ​ບັນ​ຮຽນ​ຫນັງສືຢູ່​ໂຮງຮຽນ ​ມ.ສ ສຸພານຸວົງ,  ​ເວລາ​ຫວ່າງ: ມັກເບິ່ງໂທລະພາບ,ອ່ານປຶ້ມ ແລະ ຫລິ້ນຄອມພິວເຕີ.
ສຳລັບ​ນ້ອງ​ເອງ ​ແມ່ນ​ເປັນ​ນັກ​ຈັດ​ລາຍການ ມາ​ແຕ່​ປີ2009 ​ເຊິ່ງການ​ດຳ​ເນີນ​ກິດຈະກຳ​ນີ້ ຖື​ວ່າ​ທຸກໆ​ຄົນ​ໄດ້​ມີ​ຄວາມ​ຮູ້, ຄວາມ​ສາມາດ​ເພີ່ມ​ຂຶ້ນ​ເລີຍ​ໃນ​ແຕ່ລະ​ໄລຍະ ​ແຕ່​ລະ​ຄັ້ງ​ທີ່​ຈັດ​ລາຍການ ຖື​ວ່າ​ມີ​ຄວາມ​ເບີກບານ​ມ່ວນ​ຊື່ນ ​ເຕັມ​ໄປ​ດ້ວຍ​ຮອຍ​ຍິ້ມ ​ແລະ​ສິ່ງ​ທີ່​ປະ​ທັບ​ໃຈ​ທີ່​ສຸດ ​ແມ່ນ​ການ​ນຳ​ເອົາ​ຂ່າວສານ ​ແລະ​ສາລະ​ຫນ້າ​ຮູ້​ຕ່າງໆ ມາ​ເລົ່າ​ມາ​ເວົ້າ​ສູ່​ທ່ານ​ຜູ້​ຟັງ​ໄດ້​ຮັບ​ຟັງ ​ເຊິ່ງອຸປະສັກທີ່​ມີ ​ເປັນ​ຕົ້ນ​ກໍ​ແມ່ນ​ການ​ເດີນທາງ​ໄປມາ, ການ​ດຳ​ເນີນ​ໂຄງການ​ວິທະຍຸ​ເດັກ ​ໃນ​ອານາ​ຄົດ ຢາກ​ຈະ​ໃຫ້ມີລາຍການ ເປີດໃຈໄວຫນຸ່ມໄປຕະຫລອດ.
ຊື່ ແລະ ນາມສະກຸນ ທ ສົມແພງ ແສງມະນີ. ທີ່​ເກີດ: ບ້ານ​ ​ສັງຄະໂລກ,  ທີ່ຢູ່ປັດຈຸບັນ: ບ້ານ​ ໂຄມຂວາງ ເມືອງ ແລະ ແຂວງຫລວງພະບາງ,ປະຈຸ​ບັນ​ຮຽນ​ຫນັງສືຢູ່​ໂຮງຮຽນ ​ມ.ສ ສຸພານຸວົງ, ​ເວລາ​ຫວ່າງ: ມັກຟັງດພງ, ມັກອ່ານຫນັງສືພິມ. 
 ສຳລັບ​ນ້ອງ​ເອງ ​ແມ່ນ​ເປັນ​ນັກ​ຈັດ​ລາຍການມາ​ແຕ່​ປີ2009 ​ເຊິ່ງການ​ດຳ​ເນີນ​ກິດຈະກຳ​ນີ້ ຖື​ວ່າ​ທຸກໆ​ຄົນ​ໄດ້​ມີ​ຄວາມ​ຮູ້, ຄວາມ​ສາມາດ​ເພີ່ມ​ຂຶ້ນ​. ໃນ​ແຕ່ລະ​ໄລຍະ ​ແຕ່​ລະ​ຄັ້ງ​ທີ່​ຈັດ​ລາຍການ ຖື​ວ່າ​ມີ​ຄວາມ​ເບີກບານ​ມ່ວນ​ຊື່ນ ​ເຕັມ​ໄປ​ດ້ວຍ​ຮອຍ​ຍິ້ມ ​ແລະ​ສິ່ງ​ທີ່​ປະ​ທັບ​ໃຈ​ທີ່​ສຸດ ​ແມ່ນ​ການ​ນຳ​ເອົາ​ຂ່າວສານ ​ແລະ​ສາລະ​ຫນ້າ​ຮູ້​ຕ່າງໆ ມາ​ເລົ່າ​ມາ​ເວົ້າ​ສູ່​ທ່ານ​ຜູ້​ຟັງ​ໄດ້​ຮັບ​ຟັງ.
ຊື່ ແລະ ນາມສະກຸນ ນ ລັດສະຫນີ ສູນທະລາ. ທີ່​ເກີດ: ບ້ານ​ ​ສັງຄະໂລກ, ທີ່ຢູ່ປັດຈຸບັນ: ບ້ານ​ ຊຽງເຫລັກ ເມືອງຫລວງພະບາງ ແຂວງຫລວງພະບາງ, ປະຈຸ​ບັນ​ຮຽນ​ຫນັງສືຢູ່​ໂຮງຮຽນ ມ.ສ ສຸພານຸວົງ, ​.ເວລາ​ຫວ່າງ: ມັກເບິ່ງໂທລະພາບ ແລະຫລິ້ນອິນເຕີເນັດ. 
ສຳລັບ​ນ້ອງ​ເອງ ​ແມ່ນ​ເປັນ​ນັກ​ຈັດ​ລາຍການ ມາ​ແຕ່​ປີ2009 ​ເຊິ່ງການ​ດຳ​ເນີນ​ກິດຈະກຳ​ນີ້ ຖື​ວ່າ​ທຸກໆ​ຄົນ​ໄດ້​ມີ​ຄວາມ​ຮູ້, ຄວາມ​ສາມາດ​ເພີ່ມ​ຂຶ້ນ​ເລີຍ​ໃນ​ແຕ່ລະ​ໄລຍະ ​ແຕ່​ລະ​ຄັ້ງ​ທີ່​ຈັດ​ລາຍການ ຖື​ວ່າ​ມີ​ຄວາມ​ເບີກບານ​ມ່ວນ​ຊື່ນ ​ເຕັມ​ໄປ​ດ້ວຍ​ຮອຍ​ຍິ້ມ ​ແລະ​ສິ່ງ​ທີ່​ປະ​ທັບ​ໃຈ​ທີ່​ສຸດ ​ແມ່ນ​ການ​ນຳ​ເອົາ​ຂ່າວສານ ​ແລະ​ສາລະ​ຫນ້າ​ຮູ້​ຕ່າງໆ ມາ​ເລົ່າ​ມາ​ເວົ້າ​ສູ່​ທ່ານ​ຜູ້​ຟັງ​ໄດ້​ຮັບ​ຟັງ ​ເຊິ່ງອຸປະສັກທີ່​ມີ ​ເປັນ​ຕົ້ນ​ກໍ​ແມ່ນ​ການ​ເດີນທາງ​ໄປມາ,ການ​ດຳ​ເນີນ​ໂຄງການ​ວິທະຍຸ​ເດັກ​ໃນ​ອານາ​ຄົດຢາກ​ຈະ​ໃຫ້ມີລາຍການເປີດໃຈໄວຫນຸ່ມໄປຕະຫລອດເລີຍ.
ຊື່ ແລະ ນາມສະກຸນ ນ ປ່ຽມສຸກ ວົງກາລັກ (ເບ່ຕ້າ). ທີ່ຢູ່ປັດຈຸບັນ: ບ້ານ​ ຜາໂຄມ , ເມືອງຫລວງ ພະບາງ ແຂວງຫລວງພະບາງ,ປະຈຸ​ບັນ​ຮຽນ​ຫນັງສືຢູ່​ໂຮງຮຽນ ​ມ.ສ ສຸພານຸວົງ, ​ເວລາ​ຫວ່າງ: ມັກເບິ່ງໂທລະພາບ, ຟັງວິທະຍຸ ແລະເຮັດກິດຈະກຳຢູ່ສ.ວ.ດ.
​ນ້ອງ​ເອງ ​ແມ່ນ​ເປັນ​ນັກ​ຈັດ​ລາຍການ ມາ​ແຕ່​ປີ2009 ​ເຊິ່ງການ​ດຳ​ເນີນ​ກິດຈະກຳ​ນີ້ ຖື​ວ່າ​ທຸກໆ​ຄົນ​ໄດ້​ມີ​ຄວາມ​ຮູ້, ຄວາມ​ສາມາດ​ເພີ່ມ​ຂຶ້ນ​ເລີຍ​ໃນ​ແຕ່ລະ​ໄລຍະ ​ແຕ່​ລະ​ຄັ້ງ​ທີ່​ຈັດ​ລາຍການ ຖື​ວ່າ​ມີ​ຄວາມ​ເບີກ ບານ​ມ່ວນ​ຊື່ນ ​ເຕັມ​ໄປ​ດ້ວຍ​ຮອຍ​ຍິ້ມ ​ແລະ​ສິ່ງ​ທີ່​ປະ​ທັບ​ໃຈ​ທີ່​ສຸດ ​ແມ່ນ​ການ​ນຳ​ເອົາ​ຂ່າວສານ ​ແລະ​ສາລະ​ຫນ້າ​ຮູ້​ຕ່າງໆ ມາ​ເລົ່າ​ມາ​ເວົ້າ​ສູ່​ທ່ານ​ຜູ້​ຟັງ​ໄດ້​ຮັບ​ຟັງ ​ເຊິ່ງອຸປະສັກທີ່​ມີ ​ເປັນ​ຕົ້ນ​ກໍ​ແມ່ນ​ການ​ເດີນທາງ​ໄປມາ, ການ​ດຳ​ເນີນ​ໂຄງການ​ວິທະຍຸ​ເດັກ ​ໃນ​ອານາ​ຄົດ ຢາກ​ຈະ​ໃຫ້ມີລາຍການ ເປີດໃຈໄວຫນຸ່ມໄປຕະຫລອດເລີຍ.
ລາຍການ​ເປີດ​ໃຈ​ໄວ​ຫນຸ່ມ​ແຂວງ​ຫລວງ​ພະ​ບາງ ​ໄວ​ຫນຸ່ມ​ທີ່​ຕິດຕາມ​ຮັບ​ຟັງ​ລາຍການ​ໄດ້​ໃຫ້​ຄວາມ​ສົນ​ໃຈ​ຫລາຍ ​ເຫັນ​ໄດ້​ຈາກ​ການ​ສົ່ງ​ຈົດ​ຫນາຍ​ແຮງ​ໃຈ​ມາ​ເຖິງ​ທີ​ມງານ, ມີ​ສ່ວນ​ຮ່ວ​ມ​ໃນ​ການ​ສົ່ງ​ຂໍ້​ມູນ​ຂ່າວສານ​ອອກ​ອາກາດ, ຮ່ວມ​ຕອບ​ບັນຫາ​ກ່ຽວ​ກັບ​ໄວ​ຫນຸ່ມ ​ແລະ​ວັນ​ສຳຄັນ​ຕ່າງໆ​ຂອງ​ຊາດ ​ໂດຍ​ຜ່ານ​ການ​ຖາມ​ຕອບ​ຈາກ​ການ​ຮັບ​ສາຍ​ຫນ້າ​ໄມ ​ເຊິ່ງມັນ​ເປັນ​ບັນຍາກາດ​ທີ່​ສ້າງ​ຄວາມ​ຕິດ​ໃຈ​ແລະ​ຢາກ​ມີ​ສ່ວນ​ຮ່ວມ​ຂອງ​ຜູ້​ຟັງ​ເພາະ​ລາຍການ​ຂອງ​ພວກ​ເຮົາ​ໄດ້​ໃຊ້​ຮູບ​ແບບ​ຈັດ​ສົດ​ທຸກໆ​ເທື່ອ​ເລີຍ.ສ່ວນ​ນັກ​ຈັດ​ລາຍການ​ແມ່ນ​ຈະ​ມີ​ການ​ພັດ​ປ່ຽນ​ກັນ​ໃນ​ແຕ່​ລະອາ​ທິດ.
 ພວກເຮົາ ທີມງານວິທະຍຸໄວໜຸ່ມແຂວງຫລວງພະບາງ ຂໍສະແດງຄວາມຮູ້ບຸນຄຸນ ແລະ ຂອບໃຈໃາຍັງທຸກທ່ານ, ທຸກພາກສ່ວນທີ່ໃຫ້ໂອກາດ ແລະ ຊ່ວຍເຫລືອແກ່ທີມງານ ຯລຯ ເພື່ອໃຫ້ສາມາດດຳເນີນກິດຈະກຳນີ້ສືບຕໍ່ໄປໄດ້....ພວກເຮົາຍັງພ້ອມທີ່ຈະລົງໂຄສະນາຊຸມຊົນ ແລະ ຈັດລາຍການວິທະຍຸສືບຕໍ່....ຢ່າລືມພົບກັບພວກເຮົາເດີ້...
ຂອບໃຈອົງການ Unicef, ວິທະຍຸກະຈາຍສຽງແຫ່ງຊາດລາວ ແລະ ສູນວັດທະນະທຳເດັກ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ທີ່ໄດ້ຊ່ວຍເຫລືອພວກເຮົາທາງ ດ້ານງົບປະມານ ແລະ ວິຊາການ...
ມີເວລາ ຢ່າລືມໄປຢ້ຽມຢາມພວກເຮົາທີ່: 
ຫລວງພະບາງເມືອງງາມນາມກະເດື່ອງເລື່ອງລືວັດທະນະທໍາ, ງາມທິວທັດ ທໍາມະຊາດ, ມາລະຍາດຊາວເມືອງຄ່ຽມຄົມສົມເປັນເມືອງມໍລະດົກໂລກ....
ງາມພູຕັ້ງຢູ່ກາງເມືອງ, ເລື່ອງລືວັດທະນາທຳ, ເອາະຫລາມໃສ່ສະຂ່ານ, ງານບຸນຊ່ວງເຮືອເດືອນເກົ້າ, ວັດເກົ່າແກ່ມາກມີ, ຕາດກວາງຊີແລະຖ້ຳຕິ່ງ, ເປັນມິ່ງເມືອງມໍລະດົກໂລກ.....
ລາຍການ​ເປີດ​ໃຈ​ໄວ​ຫນຸ່ມ ອອກ​ອາກາດ​ທຸກໆ​ວັນ​ເສົາ ​ເວລາ09: 00-09: 30 ທີ່​ວິທະຍຸ​ກະຈາຍສຽງ​ແຂວງ​ຫລວງ​ພະ​ບາງ ​ໃນ​ລະບົບ FM 705 KH,FM 103.5 MHz
ຂອບໃຈຫລາຍໆ...




2 comments:

  1. ເປັນກິດຈະກຳທີ່ດີຫຼາຍ ຊົມເຊີຍ

    ReplyDelete
  2. ຢ່າເປີດແຕ່ໃຈໄວຫນຸ່ມເດີ ດຍວຜູ້ເຖົ້າສິນ້ອຍໃຈ

    ReplyDelete