Tuesday, July 12, 2011

ທີມງານວິທະຍຸໄວໜຸ່ມແຂວງສາລະວັນ

ພາຍຫຼັງການ​ດຳ​ເນີນ​​ໂຄງການ​ວິທະຍຸ​ເດັກ-​ໄວໜຸ່ມ ​ເຊິ່ງ​ເລີ່​ມ​ແຕ່​ທ້າຍ​ປີ 2004 ມາ​ເຖິງ​ປະຈຸ​ບັນ​ທາງ ​ທີ​ມງານ ​ຜູ້​ຮັບ​ຜີ​ດຊອບ​ໂຄງການ ​ເຊີ່ງ​ປະກອບ​ດ້ວຍ ພະ​ແນ​ກຖ​ະ​ແຫຼ່ງຂ່າວ,  ພະ​ແນ​ກ ສາທາ​ແຂວງ, ອົງການ​ນ້ຳສະອາດ ຜູ້​ຮັບ​ຜີ​ດຊອບ​ເດັກ​ອາສາ​  ຈາກ​ຊາວໜຸ່ມ​ແຂວງ , ວິທະຍຸ​ກະຈາຍ​ສຽງ   ແລະ ​ໂທລະພາບ​ແຂວງ. ມາ​ຮອດ​ປີ2007 ​ເປັນ​ພະ​ແນ​ກສຶກສາ​ແຂວງ ຮັບ​ຜີ​ດຊອບ​ເດັກ ​ແລະ ​ໃນ​ປີ 2008-2009 ​ແມ່ນ​ສ.ວ.ດ ​ແຂວງ​ໃນ​ການ​ປະຕິບັດ​ກິດຈະກຳ​ນີ້ ກໍ່​ໄດ້​ສ້າງ​ໃຫ້​ເດັກ​ມີ​ຄວາມ​ສາມາດ​ໃນ​ການ​ເຄື່ອນ​ໄຫວ​​ໂຄສະນາກັບ​ຊຸມ​ຊົນ ​ເກັບກຳ​ຂໍ້​ມູນ​   ມາ​ຂຽນ​ເປັນ​ບົດ​ແລ້ວ ມາ​ອ່ານ​ອອກ​ອາກາດ ​ໃນ​ເວລາ​ຈັດ​ລາຍການ​ຜ່ານ​ວິທະຍຸ​ກະຈາ​ຍສຽງ ​ໃນ​ລະບົບFM ​ໃຫ້​ພໍ່​ແມ່​ປະຊາຊົນ​ໄດ້​ຮັບຣູ້, ອັນ​ນີ້ກໍ່​ເພື່ອ​ສ້າງ​ແລະ​ປູກ​ຈິດ​ສຳນຶກ​ ໃຫ້​ເດັກ​ແລະ​ໄວໜຸ່ມກ້າ​ສະ​ແດງ​ອອກ ​ແລະ ​ເພື່ອ​ສ້າງ​ບຸ​ຄະ​ລະ​ກອນ​ລຸ່ນສືບ​ທອດ ​ໂດຍ​ສະ​ເພາະ​ບັນຫາ​ທີ່​ນຳ​ໄປ​ໂຄສະນາ​ແມ່ນ​ເວົ້າ​ເຖິ່ງການ​ອານາ​ໄມ້​ສິ່ງ​ແວດ​ລ້ອມ, ການ​ຈັດ​ຫານ້ຳສະອາດ​ເພື່ຶສຸຂະ​ພາບ, ​ເວົ້າ​ເລື່ອງ​ສິດທິ​ຂອງ​ເດັກນ້ອຍ ​ແລະ ບັນຫາ​ອື່ນໆ
 ​ໃນ​ການ​ຜະລິດ​ລາຍການ​ ວິທະຍຸ​​ສຳລັບເດັກ-​ໄວໜຸ່ມນີ້ ​ເດັກນ້ອຍ​ຂອງ​ພວກ​ເຮົາ​ກໍ່​ຍັງ​ໄດ້​ເປັນ​ຕົວ​ແທນ​ໃຫ້​ເດັກ​ທົ່ວ​ປະ​ເທດ ​ໄປ​ຮ່ວມ​ກອງ​ປະຊຸມ​ນ້ຳ​ໂລກ ທີ່​ປະ​ເທດ ​ແມັກຊິ​ໂກ ​ ໃນ​ປີ2005-2006 ​ໂດຍ​ແມ່ນ ທ້າວ​ແຫັບປີ້ ສີ​ສົມ​ພອນ ຜູ້​ໄປ​ຮ່ວມ ​ແລະ ​ໃນ​ປີ2006-2007 ນາງ ດາວ​ວະ​ດີ ທີ່​ປະ​ເທດ​ຝັ່ຣງ​ເສດ ທ້າວ​ແຫັຍ​ປີ້ທີ່​ປະ​ເທດ​ຢີປຸ່ນ ​ແລະ ​ໄດ້​ໄປ​ທັດສະນະ​ທີ່​ປະ​ເທດ​ໄທ​ອີກ​ດ້ວຍ. 

ຊື່ ແລະ ນາມສະກຸນ ນາງ ສຸດທິ​ດາ ສີ​ປະ​ເສີດ. ທີ່​ເກີດ​ ບ້ານນາ​ກົກ, ທີ່ຢູ່ປັດຈຸບັນ ບ້ານ​ນາ​ກົກ​ໂພ,     ເປັນນັກ​ສຶກສາຢູ່​​ໂຮງຮຽນ ສ້າງ​ຄູ​ສາລະ​ວັນ, ເວລາ​ຫວ່າງ: ​ເຮັດ​ວຽກ​ເຮືອນ,
ເປັນ​ນັກ​ຈັດ​ລາຍການ​ມາ​ແຕ່​ທ້າຍປີ 2004 ການ​ດຳ​ເນີນ​ກິດຈະກຳ​ເຫັນ​ວ່າ​ມີ​ຫມູ່ຄູ​ໃນ​ທີ​ມງານ​ແມ່ນ​ເປັນ​ກັນ​ເອງ ການ​ເຮັດ​ຈະ​ກຳ​ໃນ​ເບື້ອງຕົ້ນພົບ​ຄວາມ​ຫຍຸ້ງຍາກ ​ເພາະ​ເປັນຄັ້ງທຳ​ອິດ​ໂດຍ​ບໍ່​ເຄີຍ​ຮຽນຢູ່​ໃສ​ມາ​ກ່ອນ ​​ແລະ ​ເຄີຍ​ເຂົ້າ​ເຝິກອົບຮົມ​ການ​ໃຊ້​ທັກ​ສະ​ຊີວິດ​ເຂົ້າ​ໃນ​ການ​ຜະລິດ​ລາຍການ​ວິທະຍຸ ການ​ໃຊ້​ເຄື່ອງສຽງ , ການຈັດ​ລາຍການ​ສົດ ​ແລະ ນອກ​ນັ້ນກໍ່​ໄດ້​ເຂົ້າຮ່ວມ​ກອງ​ປະຊຸມ​ທີ່ ທ່າ​ລາດ ​ແຂວງ​ວຽງຈັນ. 
ຊື່ ແລະ ນາມສະກຸນ ນາງ ສຸດ​ຕາ ຫລ່ຳ​ມີ​ໄຊ, ທີ່ເກີດ ບ້ານ​ ນາ​ຂ້ອຍ​ສາວ,ທີ່ຢູ່ປັດຈຸບັນບ້ານ ນາຂ້ອຍ​ສາວ, ເປັນນັກ​ສຶກສາຢູ່​​ໂຮງຮຽນສ້າງຄູ​ສາລະ​ວັນ; ເວລາ​ຫວ່າງ: ຟັງ​ວິທະຍຸ. “ນັກ​ຈັດ​ລາຍ​ວິທະຍຸ​ເປັນຄວາມ​ໄຝ່ຝັນ​ຂອງ​ນ້ອງ” ​ແລະ ນ້ອງ​ເອງ​ກໍ່​ໄດ້​ຖືກ​ຄັດ​ເລືອກ​ເປັນ​ນັກ​ຈັດ​ລາຍການ​ວິທະຍຸ ຢູ່​ທີ່ ສະຖານີ​ວິທະຍຸ ​ແຂວງ ສາລະ​ວັນ ​ໃນ​ປີ 2004 ​ເປັນຄັ້ງທຳ​ອິດ, ​ເປັນ​ໂຄງການ​ຫນຶ່ງ​ທີ​ສ້າງ​ໂອກາດ​ໃຫ້​ແກ່​ເດັກ ​ແລະ ​ໄວ​ຫນຸ່ມ,​ເຊິ່ງ​​ເປັນ​ເວລາ 5 ປີກ​ວ່າກໍ່​ໄດ້​ຮັບ​ຜົນສຳ​ເລັດ. ສຳລັບ​ໂຄງການ​ນີ້ຍັງ​ໄດ້​ສ້າງ​ໂອກາດ​ໃຫ້​ນ້ອງ​ໄດ້​ເຝິກ​ຕົນ​ເອງ ​ໃຫ້​ມີ​ຄວາມ​ຮູ້​ຄວາມ​ສາມາດ​ຫລາຍ​ດ້ານ​ເຊັ່ນ: ທັກ​ສະການ​ເວົ້າ, ການ​ພັດທະນາຕົນ​ເອງ ນອກ​ນັນ ຍັງ​ໄດ້​ເຝິກອົບຮົມ​ຢູ່​ຕ່າງ​ແຂວງ  ​ແລະ ພາຍ​ໃນ​ແຂວງ​ຄື : ​ແຂວງ ຈຳປາ​ສັກ ​ໃນ​ຫົວ​ຂໍ້​” ບົດບາດ​ຍິງຊາຍ ”, ​ແຂວງ ນະຄອນຫລວງ ຢູ່​ທີ່ ວິທະຍຸ​ແຫ່ງ​ຊາດ ​ໃນ​ຫົວ​ຂໍ້ ” ການຈັດ​ລາຍການ​ສົດ ”.
ຊື່ ແລະ ນາມສະກຸນ ທ້າວ ນິພະ​ກອນ ຫລອຍ​ແພງ​ເຜົ່າ,ທີ່ເກີດ ບ້ານ​ວັດ​ກາງ, ທີ່ຢູ່ປັດຈຸບັນບ້ານ:  ​ບ້ານ ວັດ​ກາງ, ເປັນນັກ​ຮຽນຢູ່​​ໂຮງຮຽນມັດທະຍົມ​ສຶກສາ​ສົມບູນ ສາລະ​ວັນ.ເວລາ​ຫວ່າງ:​ ​ຊ້ອມ​ຟ້​ອນ, ​ເຮັດ​ວຽກ​ເຮືອນ​ພໍ່​ແມ່.
ນ້ອງ​ເອງ​ເປັນ​ນັກ​ຈັດ​ລາຍການ ມາ​ແຕ່​ປີ2007 ທີ່​ຜ່ານ​ມາ​ການ​ດຳ​ເນີນ​ກິດຈະກຳ​ແມ່ນ​ດີ​ຫລາຍ​ໂດຍ​ສະ​ເພາະ​ເວລາ​ຈັດ​ລາຍການ​ຮ່ວມ​ກັນ​ເປັນ​ທີ​ມງານ, ສິ່ງ​ທີ​ປະ​ທັບ​ໃຈ​ແມ່ນ​ການ​ໄປ​ສຳພາດ​ແຕ່​ບາງ​ຄັ້ງການ​ເຮັດ​ວຽກ ກໍ່ມີ​ອຸປະສັກ​ເຊັ່ນ: ເວລາ​ລົງ​​ໄປ​ສຳພາດບາງ​ຄົນ ​ກໍ່ບໍ່​ໃຫ້​ຄວາມ​ຮ່ວມ​ມື ​​ເຊິ່ງສົ່ງ​ຜົນ​ສະທ້ອນ​ໃຫ້​ ວຽກງານ   ຊັກ​ຊ້າ ມາ​ຮອດ​ນີ້ກໍ່​ແມ່ນ​ຮອດ​ຕອນ​ເປີດ​ໃຈ​ແລ້ວ ນ້ອງ​ເອງ​ກໍ່​ເປັນ​ຜູ້​ຫນຶ່ງ ​ທີ​ໄດ້​ໂອກາດ​ດີໆຈາກ​ອົງການ​ຢູນິ​ເຊັບ​ທີ​ໃຫ້​​ໂອກາດ​ໃນ​ສິ່ງ​ທີ​ຕົນ​ບໍ່​ເຄີຍ​ເຮັດ​ເຊິ່ງມັນ​ເປັນ​ປະສົບ​ການ​ທີ​ດີ​ຫລາຍ. 
ຊື່ ແລະ ນາມສະກຸນ ທ້າວ ບິນ​ລີ້ ພົດຈະ​ເລີ​ນ,ທີ່ກີດ ບ້ານ​ນາ​ກົກ​ໂພ, ທີ່ຢູ່ປັດຈຸບັນບ້ານ:  ​ບ້ານ ນາ​ກົກ​ໂພ,ເປັນນັກ​ຮຽນຢູ່​​ໂຮງຮຽນມັດທະຍົມ​ສຶກສາ​ສົມບູນ ອົງ​ແກ້ວ,ເວລາ​ຫວ່າງ:​ ຫລິ້ນ​ກິລາ. 
ເປັນ​ນັກ​ຈັດ​ລາຍການ​ແຕ່​ປີ 2007 ​ເປັນຕົ້ນມາ ການ​ດຳ​ເນີນ​ກິດຈະກຳ​ໃນ​ລະ​ໄລຍະ​ເຖິງ​ວ່າ​ຈະ​ຫຍຸ້ງຍາກ​ໃນການ​ລົງ​ເກັບ​ກຳ​ ຂໍ້​ມູນ ​ເພື່ອ​ມາ​ຜະລິດ​ລາຍການ​ແຕ່​ກໍ່ດຳ​ເນີນ​ໄປ​ດ້ວຍ​ດີ ​ແລະ​ ໃນ​ທີ​ມງານ​ຂອງ​ພວກ​ເຮົາ​ກໍ່​ແມ່ນ​ຍັງ​ຮຽນຫນັງສື​ຢູ່ ການ​ນັດ​ພົບ​ແມ່ນ​ມີ​ຄວາມ​ຫຍຸ້ງຍາກ​ຫລາຍ ບາງ​ຄົນ​ກໍ່ຄາວຽກຢູ່​ໂຮງຮຽນ. ທີ່​ຜ່ານ​ມ​າ​ເຄີຍ​ໄດ້​ເຂົ້າ​ເຝິກອົບຮົມ​ການ​ຮຽນຮູ້​ທັກ​ສະ​ຊີວິດ, ການ​ນຳ​ໃຊ້​ເຄື່ອງສຽງ​ໂດຍ​ແມ່ນ​ທີ​ມງານ​ຈາກ​ຢູນິ​ເຊັບ ​ແລະ ສ.ວ.ດສູນ​ກາງ​​ໄດ້​ລົງມາ​ຈັດ ​ແລະ ​ໄດ້​ໄປ​ເຝິກອົບຮົມ​ຢູ່​ຕ່າງ​ແຂວງ​ອີກ​ດ້ວຍ 
ຊື່ ແລະ ນາມສະກຸນ ນາງ ສຸດາ​ພອນ ກົງ​ສອນ. ທີ່ເກີດ ບ້ານ​ວັດ​ກາງ,ທີ່ຢູ່ປັດຈຸບັນບ້ານ:  ​ບ້ານ ວັດ​ກາງ, ເປັນນັກ​ຮຽນຢູ່​​ໂຮງຮຽນມັດທະຍົມ​ສຶກສາ​ສົມບູນ ສາລະ​ວັນ, ເວລາ​ຫວ່າງ:​ ຊ່ວຍ​ວຽກ​ເຮືອນ. ເປັນ​ນັກ​ຈັດ​ລາຍການ​ແຕ່​ປີ 2007 ​ແມ່ນ​ໄດ້​ຈັດ​ຮ່ວມ​ກັບ​ເພື່ອນ​ຫລາຍ​ຄົນ ສະພາບ​ດຳ​ເນີນ​ກິດຈະກຳ​ແມ່ນ​ມີ​ຄວາມ​ຫຍຸ້ງຍາກ​ຫລາຍ​ແຕ່​ກໍ່ພູມ​ໃຈ​ທີ​ໄດ້​ເຮັດ​ວຽກ​ເປັນ​ທີ​ມງານ ລ້ວນ​ແລ້ວ​ແຕ່​ມີ​ຄວາມ​ເອົາ​ໃຈ​ໃສ່​ເປັນ​ຢ່າງ​ດີ. ນ້ອງ​ເອງ​ກໍ່​ເຄີຍ​ເຂົ້າຮວ່ມ​ເຝິກອົບຮົມ​ຫລາຍ​ຄັ້ງ​ເປັນຕົ້ນກໍ່​ແມ່ນ​ການ​ນຳ​ໃຊ້​ທັກ​ສະ​ຊີວິດ, ອົບຮົມ​ກ່ຽວກັບ​ການ​ນຳ​ໃຊ້​ເຄື່ອງສຽງ ​ແລະ ປັບປຸງ​ວຽກງານ​ການ​ເຄື່ອນ​ໄຫວ​ຊຸມ​ຊົນ​ໃຫ້​ແກ່​ໄວ​ຫນຸ່ມ ມາ​ຮອດ​ນີ້ຂໍ​ເປີດ​ໃນ​ວ່າ​ຕົນ​ເອ​ງກໍ່​ແມ່ນ​ຜູ້​ຫນຶ່ງ​ທີ​ໄດ້​ຮັບ​ໂອກາດ​ດີໆຈາກ​ອົງການ​ຢູນິ​ເຊັບ ​ແລະ ຫມູ່​ເພື່ອນ​ຫລາຍໆຄົນ ກໍ່ຄົງ​ຈະ​​ແຕກ​ຕ່າງ​ກັນ​ທີ​ໄດ້​ຮັບ​ສິ່ງ​ດີໆ​ແບບ​ນີ້ ​ເຊິ່ງມັນ​ເປັນ​ສິ່ງ​ທີ​ຫນ້າ​ພາກພູມ​ໃຈ​ທີ​ໄດ້​ເຮັດ​ໃນ​ສິ່ງ​ທີ​ບໍ່​ເຄີຍ​ເຮັດ​ມາ​ກ່ອນ ​ແລະ ມັນ​ກໍ່​ເປັນ​ປະສົບ​ການ​​ໃນ​ຊີວິດ.  
ຊື່ ແລະ ນາມສະກຸນ ນາງ ພຸດ​ສະດີ.  ທີ່ເກີດ ​ບ້ານ​ນາ​ແພງ​ໃຫຍ່, ທີ່ຢູ່ປັດຈຸບັນບ້ານ:  ​ບ້ານ ຫຼັກສອງ,ເປັນນັກ​ຮຽນຢູ່​​ໂຮງຮຽນ ມັດທະຍົມ​ສຶກສາ​ສົມບູນ ສາລະ​ວັນ, ​ເວລາ​ຫວ່າງ:​ ຟ້ອນ.
ເລີ່​ມ​ແຕ່​ປີ 2007 ທີ​ມງານ​ຮັບ​ຜີ​ດຊອບ​ຂອງ​ໂຄງການເຊິ່ງປະກອບ​ມີ ພະ​ແນ​ກຖະ​ແຫຼ່ງຂ່າວ ​ແລະ ວັດທະນະທຳ, ພະ​ແນ​ກສາ​ທາ​ແຂວງ, ສະຖານີ​ວິທະຍຸ-​ໂທລະ​ພາບ ​ເຊິ່ງ​ໃຫ້ການ​ອຸປະຖຳ​ໂດຍ​ອົງການ ຢູນິ​ເຊັບປະຈຳ​ລາວ. ການ​ດຳ​ເນີ​ນກິດຈະກຳ​ເຫັນ​ວ່າ​ດີຫຼາຍ ຖືກ​ວ່າ​ເປັນ​ການ​ສ້ງຄວາມ​ສາມາດ​ໃຫ້​ແກ່​ເດັກ-​ໄວໜຸ່ມ ທີ່​ໄດ້​ເຄື່ອນ​ໄຫວ​ໂຄສະນາ​ສິດທິ​ຂອງ​ຕົນ​ ​ໂດຍ​ສະ​ເພາະ​ແມ່ນ​ເຮັດ​ກິດຈະກຳ​ນຳ​ຊຸມ​ຊົນ ​ແລະ ​ຜ່ານ​ວິທະຍຸ​ກະຈາຍສຽງ....

ຊື່ ແລະ ນາມສະກຸນ ທ້າ​ວ ຈອນ​ນີ ພົດຈະ​ເລີ​ນ,ທີ່ກີດ ບ້ານນາກົກໂພ, ທີ່ຢູ່ປັດຈຸບັນບ້ານ:  ​ບ້ານ ນາ​ກົກ​ໂພ,ເປັນນັກ​ຮຽນຢູ່​​ໂຮງຮຽນ ມັດທະຍົມ​ສຶກສາ​ສົມບູນ ອົງ​ແກ້ວ, ເປັນ​ນັກ​ຈັດ​ລາຍການ​ເດັກ​ຍຸກ​ໃໝ່ມາ​ແຕ່​ປີ 2007 ການ​ດຳ​ເນີນ​ການ​​ເປັນຕົ້ນ​ແມ່ນ​ການຈັດລາຍການ​ຫຍຸ້ງ ຍາກຫຼາຍ ​ແຕ່​ມັນ​ກໍ່​ເປັນ​ສິ່ງ​ທີ່​ທ້າ​ທາຍ. ສິ່ງ​ທີ່​ປະ​ທັບ​ໃຈ​ແມ່ນ ການ​ໄດ້​ເຮັດ​ວຽກ​ເປັນ​ທີ​ມງານ, ສຳພາດ​ເອົາ​ຂໍ້​ມູນ​ມາ​ຂຽນ​ເປັນ​ບົດ ​ເພື່ອ​ອອກ​ລາຍການ. ນ້ອງ​ເອງ​ໄດ້​ເຂົ້າຮ່ວມ​ເຝິກອົບຮົມ​ຢູ່​ສະ​ນີວິທະຍຸ​ກະຈ¾¨ສຽງ​ແຂວງ 2ຄັ້ງ​ແມ່ນ​ກ່ຽວກັບ​ການ​ສຳພາດ ​ແລະ ການຈັດ​ລາຍການ​ທາງ​ວິທະຍຸ, ສຳລັບ​ຕ່າງ​ແຂວງ ​ແມ່ນ​ເຝິກ​ຢູ່​ຈຳປາ​ສັກ ກ່ຽວກັບບົດບາດ​ຍິງ​ຊາຍ, ຢູ່​ທີ່​ທ່າ​ລາດ ​ແຂວງ​ວຽງຈັນ ​ໃນ​ແຕ່ລະຄັ້ງທີ່​ໄປ ຖື​ໄດ້​ວ່າ​ເປັນ​ບົດຮຽນອັນ​ລ້ຳຄ່າ​ໄດ້​ແລກປ່ຽນບົດຮຽນກັບໝູ່ຫຼາຍຄົນ.
ຊື່ ແລະ ນາມສະກຸນ ທ້າວ ສຸກ​ສະຫວັດ ສີ​ເມືອງ​ຄຸນ. ທີ່ເກີດ ບ້ານນາ​ກົກ​ໂພ,ທີ່ຢູ່ປັດຈຸບັນບ້ານ:  ​ຫລັກ2, ເປັນນັກ​ຮຽນຢູ່​​ໂຮງຮຽນ ມັດທະຍົມ​ຫລັກ2, ເວລາ​ຫວ່າງ:​ ຫລິ້ນ​ກິລາ ຫລິ້ນ​ດົນຕີ.
ເປັນ​ນັກ​ຈັດ​ລາຍການ​ມາ​ແຕ່​ປີ 2006ການຈັດ​ລາຍການ​ແມ່ນ​ມີ​ຄວາມ​ຫຍຸ້ງຍາກຫຼາຍ ​ເພາະ​ບໍ່​ເຄີຍ​ເຮັດ​ມາ​ກ່ອນ​ແຕ່​ກໍ່​ມັກ​ເພາະ​ມັນ​ເປັນ​ສິ່ງ​ທີ່​ທ້າ​ທາຍ​ດີ, ​ແລະ ສີ່​ງທີ່​ມັກ​ທີ່​ສຸດ​ນັ້ນຄື​ການ​ໄດ້​ລົງ​ເຄື່ຶºນ​ໄຫວ​ວຽກງານ​ຊຸມ​ຊົນ ມັກ​ໃນ​ການ​ສຳພາດ​ພໍ່​ແມ່​ປະຊາຊົນ ​ແລະ ໝູ່​ເພື່ອ​ຕາມ​ໂຮງຮຽນ, ມ່ວນຫຼາຍ​ໃນ​ການ​ເຮັດ​ວຽກ​ເປັນ​ທີ​ມ. ນ້ອງ​ເອງ​ໄດ້​ເຂົ້າຮ່ວມ​ເຝິກ​ອົບຮົມ​ຢູ່​ທີ່​ແຂວງ​ຕົນ​ເອງ 2​ຄັ້ງ ​ເວົ້າ​ເຖິງ​ການສຳພາດ ​
ແລະ ຈັດ​ລາຍການ, ການ​ນຳ​ໃຊ້​ເຄື່ອງ​ອັດສຽງ.
ຊື່ ແລະ ນາມສະກຸນ ນາງ ອິນ​ທະຫວາ ອິນ​ທະ​ບຸນ​ເຮືອງ, ທີ່ເກີດ ບ້ານ​ວັດ​ກາງ,ທີ່ຢູ່ປັດຈຸບັນບ້ານ:  ​ບ້ານ ວັດ​ກາງ,ເປັນນັກ​ຮຽນຢູ່​​ໂຮງຮຽນ ມັດທະຍົມ​ສົມບູນ​ສາລະ​ວັນ,ເວລາ​ຫວ່າງ:​ ຊ່ວຍ​ແມ່ຄ້າຂາຍ. ເປັນນັກຈັດລາຍການມາຮູ້ສຶກ​ດີ​ໃຈ ​ແລະ​ປະ​ທັບ​ໃຈ​ທີ່​ໄດ້​ເຂົ້າ​ຮ່ວມ ​ເພາະ​ເຮັດ​ໃຫ້​ນ້ອງ​ຮຽນ​ຮູ້​ຫລາຍ​ຢ່າງ​ເຊັ່ນ: ການ​ຂນຂ່າວ, ຂຽນ​ສະຄິບ ​ແລະ​ນ້ອງ​ຮູ້ສຶກ​ປະ​ທັບ​ໃຈ​ທີ່​ສຸດ ​ໃນ​ເວລາ​ທີ່​ລົງ​ເຄື່ອນ​ໄຫວ​ຊຸມ​ຊົນ ​ເພາະ​ພໍ່​ແມ່​ປະຊາຊົນ​ໃຫ້​ຄວາມ​ສົນ​ໃຈ, ​ໃຫ້​ຄວາມ​ມ່ວມ​ມື​ດີ​ຫລາຍ.
ຊື່ ແລະ ນາມສະກຸນ ທ້າວ ທ່ອນແກ້ວ ອຸປະ​ສິດ, ທີ່ເກີດ ບ້ານ​ວັດ​ກາງ,ທີ່ຢູ່ປັດຈຸບັນບ້ານ:  ວັດ​ກາງ,ເປັນນັກ​ຮຽນຢູ່​​ໂຮງຮຽນມັດທະຍົມ​ສົມບູນ​ສາລະ​ວັນ, ເວລາ​ຫວ່າງ:​ ​ເຮັດ​ວຽກ​ເຮືອນ.
ສ່ວນ​ນ້ອງ​ແມ່ນ​ຮູ້ສຶກ​ປຶ້ມ​ປິ​ຕິ​ຍິນ​ດີ​ ທີ່​ໄດ້​ເຂົ້າ​ຮ່ວມ​ໂຄງການນີ້ ມັນ​ເຮັດ​ໃຫ້​ນ້ອງ​ ມີ​ຄວາມ​ກ້າ​ສະ​ແດງ​ອອກ ​ແລະ​ຮູ້ຈັກ​ກາ​ນ​ໃຊ້​ເວລາ​ຫວ່າງ​ ໃຫ້​ເປັນ​ປະ​ໂຫຍ​ດ ​ເຊີ່ງ​ນອກ​ຈາກ​ທີ່​ຈະ​ເຮັດ​ວຽກ​ຊ່ວຍ​ຄອບຄົວ​ແລ້ວ ນ້ອງ​ຍັງ​ໄດ້​ເປັນ​ນັກ​ຈັດ​ລາຍການ​ຂອງ​ໄວ​ຫນຸ່ມ ສ່ວນ​ອຸປະສັກ ກໍ​ແມ່ນ​ເວລາ​ບໍ່​ຕົງ​ກັນ ບາງ​ຄົນ​ກໍ​ໄປ​ຮຽນ​ເພີ່ມ​ຈິ່ງ​​ເຮັດ​ໃຫ້​ເວລາ​ ທີ່​ມາ​ອັດ​ລາຍການ​ ພົບ​ຄວາມ​ຫຍຸ້ງຍາກ ​ແຕ່​ກໍ​ຜ່ານ​ພົ້ນ​ໄປ​ໄດ້​ດີ. 
ຊື່ ແລະ ນາມສະກຸນ ບຸນຮົງ. ທີ່ເກີດ ບ້ານ​ນາ​ຂ້ອຍ​ສາວ, ທີ່ຢູ່ປັດຈຸບັນບ້ານ:  ນາ​ຂ້ອຍ​ສາວ ​ເມືອງ​ ແລະ​ ແຂວສາລະ​ວັນ,ເປັນນັກ​ຮຽນຢູ່​​ໂຮງຮຽນວິທະຍາສາດ​ຄອມ​ພິວ​ເຕີ(​ໄອ​ທີ), ເວລາ​ຫວ່າງ:​ ປູກ​ຫນາ​ກ​ໂມ, ​ເຮັດ​ສວນ​ຄົວ. ນ້​ອງ​ເອງ​ເປັນ​ນັກ​ຈັດ​ລາຍການ​ທີ່​ມີ​ຄວາມ​ກະ​ຕື້​ລື້​ລົ້ນ ​ເພາະ​ມັນ​ເປັນ​ສິ່ງ​ທີ່​ທ້າ​ທາຍ​ດີ ​ແລະ​ເຮັດ​ໃຫ້​ຕົນ​ເອງ​ມີ​ຄວາມ​ກ້າ​ສະ​ແດງ​ອອກ​ໂດຍ​ສະ​ເພາະ​ກ້າ​ປາກກ້າ​ເວົ້າ ​ແລະ​ນ້ອງ​ກັບ​ເພື່ອນໆ​ທຸກ​ຄົນ​ແມ່ນມີ​ ຄວາມ​ສາມັກຄີ​ກັນ​ດີ​ໃນ​ເວລາ​ແບ່ງ​ວຽກ​ກັນ​ໄປ​ຂຽນ​ສະຄິບຫລື​ຂຽນ​ລະຄອນ​ຕ່າງໆ ,ນ້ອງ​ຢາກ​ບອກ​ວ່າ​ໂຄງການ​ນີ້ ​ແມ່ນ​ໃຫ້​ຄວາມ​ຮູ້​ຫລາຍ​ຢ່າງ​ບໍ່​ວ່າ​ຈະ​ເປັນ​ເວລາ​ທີ່​ລົງ​ເຄື່ອນ​ໄຫວ​ຊຸມ​ຊົນ ກໍ​ໄດ້​ບົດຮຽນ​ຫລາຍ​ຢ່າງ​ເພື່ອ​ມາ​ພັດທພະນາ​ຕົນ​ເອງ. 

ຊື່ ແລະ ນາມສະກຸນ ນາງ ພອນພິດ ພິມ​ມະ​ວົງ. ທີ່ເກີດ ບ້ານ​ວັດ​ກາງ,ທີ່ຢູ່ປັດຈຸບັນບ້ານ:ວັດ​ກາງ ​, ເມືອງ​ສາລະ​ວັນ ​ແຂວງ​ສາລະ​ວັນ,ເປັນນັກ​ຮຽນຢູ່​​ໂຮງຮຽນມັດທະຍົມ​ສົມບູນ​ສາລະ​ວັນ, ເວລາ​ຫວ່າງ:​ ດົນຕີ ຟ້ອນ. ​ໂຄງການ​ນີ້ ​ເຮັດ​ໃຫ້​ນ້ອງ​ໄກ​ດ້ມີ​ປະສົບ​ການ​ຫລາຍ​ຢ່າງ​ບໍ່​ວ່າ​ຈະ​ເປັນ​ເລື່ອງ​ການ​ເຂົ້າ​ໃກອົບຮົມ ການ​ຂຽນ​ຂ່າວ, ການຈັດ​ລາຍການ, ກ່ນຮສຳພາດ ​ແລະ​ສິ່ງ​ທີ່​ປະທັຍບ​ໃຈ​ຫລາຍ​ທີ່​ສຸດ​ກໍ​ແມ່ນ​ໃນ​​ເວລາ​ທີ່​ລົງ​ເຄື່ອນ​ໄຫວ​ຊຸມ​ຊົນ ​ເຮັດ​ໃຫ້​ພໍ່​ແມ່​ປະຊາຊົນ ​ແລະ​ເດັກນ້ອຍ ມີ​ຮອຍ​ຍິ້ມ ​ແລະ​ສຽງ​ຫົວ , ຫມູ່​ທຸກ​ຄົນ​ໃນ​ທີ​ມກໍ​ມີ​ຄວາມ​ສາມັກ​ຄີ​ໃນ​ການ​ເຮັດ​ວຽກ, ມີ​ການ​ຊ່ວຍ​ເຫລືອ​ເຊິ່ງກນ​ແລະ​ກັນ ​ໃນ​ເວລາ​ທີ່​ໄປ​ສຳພາດ ຫລື​ເອົາ​ຂ່າວ.  
ຊື່ ແລະ ນາມສະກຸນ ນາງ ເສົາລິດາ ສີ​ປະ​ເສີດ, ທີ່ເກີດ ບ້ານນາ​ກົກ,ທີ່ຢູ່ປັດຈຸບັນບ້ານ: ນາ​ກົກ, ເປັນນັກ​ຮຽນຢູ່​​ໂຮງຮຽນ ສາລະ​ວັນ, ເວລາ​ຫວ່າງ:​ ​ເຮັດ​ວຽກ​ເຮືອນ. 
ນ້ອງ​ຂໍ​ເປີດ​ໃຈ​ວ່າ: ​ໂຄງການ​ນີ້ ຝຶກ​ຝົນ​ໃຫ້​ນ້ອງ​ໄດ້​ຮູ້ຈັກ​ການ​ເວົ້າ, ການ​ໂຄສະນາ ​ແລະ​ການ​ລົງ​ເຄື່ອນ​ໄຫວ​ຊຸມ​ຊົນ ​ເພື່ອ​ໃຫ້​ພໍ່​ແມ່​ປະຊາຊຂົນ​ໄດ້​ຮູ້​ເຖິງ​ບັນ​ຫາ​ຕ່າງໆ​ບໍ່​ວ່າ​ຈະ​ເປັນ​ບັນຫານ, ສິ່ງ​ແວດ​ລ້ອມ, ການ​ສຶກສາ, ສິດທິ​ເດັກ​​ແລະ​ພະຍາດ​ຕ່າງໆ ​ເພື່ອ​ໃຫ້​ມີ​ຄວາ​ມີ​ຮູ້​ແລະ​ເອົາ​ໄປ​ນຳ​ໃຊ້​ໃນ​ຊີວິດ​ປະຈຳ​ວັນ​ແລະ​ນ້ອງ​ກໍ​ຢາກ​ໃຫ້​ໂຄງກສນນີ້ ມີ​ຢູ່​ຄູ່​ກັບ​ພວກ​ເຮົາ​ຕະຫລອດ ​ເພື່ອ​ຈະ​ສ້າງ​ໃຫ້​ຄົນ​ຮຸ້ນ​ຫລັງ​ກາຍ​ເປັນ​ຮູ້​ນສືບ​ທອດ​ຄື​ກັບ​ຕົວ​ນ້ອງ​ເອງ. 
ຊື່ ແລະ ນາມສະກຸນ ທ້າວ ບຸນສະຫວັນ ໄຊ​ຍະ​ລາດ. ທີ່ເກີດ ບ້ານ​ວັດ​ກາງ, ທີ່ຢູ່ປັດຈຸບັນບ້ານ:  ວັດ​ກາງ,ເປັນນັກ​ຮຽນຢູ່​​ໂຮງຮຽນມັດທະຍົມ​ສົມບູນ​ສາລະ​ວັນ, ເວລາ​ຫວ່າງ:​ ປູກ​ພັກ ​ເຮັດ​ວຽກ​ຊ່ວຍ​ຄອບຄົວ.
ຕັ້ງ​ແຕ່​ນ້ອງ​ກ້າວ​ຂາ​ເຂົ້າ​ມາ​ຈັດ​ລາຍການ​ວີ​ທະ​ຍຸ​ມັນ​ກໍ​ເຮັດ​ໃຫ້​ນ້ອງ​ມີ​ຄວາມ​ຫນັ້ນ​ໃຈ​ກັບ​ຕົວ​ເອງ, ມີ​ຄົນຮູ້​ຈັກ​ຫລາຍ, ​ເຮັດ​ໃຫ້​ນ້ອງຮູ້ສຶກວ່າ ລາຍການ​ນີ້​ໃຫ້​ປະ​ໂຫຍ​ດ​ແກ່​ທຸກໆ​ຄົນ ​ໂດຍ​ສະ​ເພາະ​ເດັກນ້ອຍ​ແລະ​ໄວ​ຫນຸ່ມ ຄື​ກັບ​ພວກ​ນ້ອງ​ເອງ ​ແລະ​ລາຍການ​ນີ້​ ກໍ​ເປັນ​ລາຍການ​ໃຫ້​ຄວາມ​ຮູ້​ໃຫ້​ຄວາມ​ບັນ​ເທີ​ງຕໍ່​ຄົນ​ຟັງ​ສະ​ນັ້ນ​ຂໍ​ໃຫ້​ໂຄງການ​ນີ້​ຢູ່​ຄູ່​ກັບ​ແຂວງ​ສາລະ​ວັນ​ໄປ​ດົນໆ​ເດີ! 

ລາຍການ​ເປີດ​ໃຈ​ໄວ​ຫນຸ່ມ​ແຂວງ​ສາລະວັນ ​ໄວ​ຫນຸ່ມ​ທີ່​ຕິດຕາມ​ຮັບ​ຟັງ​ລາຍການ​ໄດ້​ໃຫ້​ຄວາມ​ສົນ​ໃຈ​ຫລາຍ ​ເຫັນ​ໄດ້​ຈາກ​ການ​ສົ່ງ​ຈົດ​ຫນາຍ​ແຮງ​ໃຈ​ມາ​ເຖິງ​ທີ​ມງານ, ມີ​ສ່ວນ​ຮ່ວ​ມ​ໃນ​ການ​ສົ່ງ​ຂໍ້​ມູນ​ຂ່າວສານ​ອອກ​ອາກາດ, ຮ່ວມ​ຕອບ​ບັນຫາ​ກ່ຽວ​ກັບ​ໄວ​ຫນຸ່ມ ​ແລະ​ວັນ​ສຳຄັນ​ຕ່າງໆ​ຂອງ​ຊາດ ​ໂດຍ​ຜ່ານ​ການ​ຖາມ​ຕອບ​ຈາກ​ການ​ຮັບ​ສາຍ​ຫນ້າ​ໄມ ​ເຊິ່ງມັນ​ເປັນ​ບັນຍາກາດ​ທີ່​ສ້າງ​ຄວາມ​ຕິດ​ໃຈ​ແລະ​ຢາກ​ມີ​ສ່ວນ​ຮ່ວມ​ຂອງ​ຜູ້​ຟັງ​ເພາະ​ລາຍການ​ຂອງ​ພວກ​ເຮົາ​ໄດ້​ໃຊ້​ຮູບ​ແບບ​ທັກສະຊີວິດສ່ວນ​ນັກ​ຈັດ​ລາຍການ​ແມ່ນ​ຈະ​ມີ​ການ​ພັດ​ປ່ຽນ​ກັນ​ໃນ​ແຕ່​ລະອາ​ທິດ.

​ກ່ອນ​ທີ່​ຈະ​ມີ​ລາຍການ​ອອກ​ອາກາດ ກໍ​ຍ້ອນ​ທາງ​ອົງ​ການ​ຢູນິ​ເຊັບ​ໄດ້​ໃຫ້ການ​ຊ່ວຍ​ເຫລືອ ສະຫນັບສະຫນູນ​ດ້ານ​ວິຊາ​ການ​ແລະ​ການ​ຝຶກ​ອົບຮົມ​ຕ່າງໆ​ໃຫ້​ກັບ​ນັກ​ຈັດ​ລາຍການ​ໄວຫນຸ່ມ ລາຍການເປີດໃຈໄວຫນຸ່ມແຂວງ ສາລະວັນ ອອກ​ອາກາດ ວັນເສົາ ເວລາ 08: 30-09:00 ແລະອາທິດ 18:00 - 18:30 ທາງຄື້ນFM 101.2 MHz ນອກຈາກນັ້ນ ກໍໄດ້ລົງຊຸມຊົນ ເພື່ອເຮັດການໂຄສະນາຕ່າງໆເຊັ່ນ:ວຽກງານສຸຂະສືກສາ, ອານາໄມສິ່ງແວດລ້ອມພະຍາດໄຂ້ຫວັດ ໃຫຍ່ສາຍພັນໃຫມ່ແລະອື່ນໆພ້ອມດຽວກັນນັ້ນເວລາ ທີ່ລົງເຄື່ອນໄຫວຊຸມຊົນພວກເຮົາກໍໄດ້ມີການ ສຳພາດ,ເພື່ອນຳເອົາມາອອກອາກາດ.
 ທີມງານ ລາຍການ ເປີດໃຈໄວຫນຸ່ມ ແຂວງ ສາລະວັນຂອບໃຈຫລາຍໆ
ຂໍຂອບໃຈກັບພາກສ່ວນຕ່າງໆ ທີ່ເຮັດໃຫ້ໂຄງການນີ້ດຳເນີນໄດ້ດ້ວຍດີ ຕະຫລອດມາ.
ຢ່າລືມຕິດຕາມການເຄື່ອນໄຫວຂອງທີມງານພວກເຮົາເດີ້....ຂອບໃຈຫລາຍໆ

No comments:

Post a Comment